ភ្នំពេញ៖ ក្រសួងអប់រំ នាថ្ងៃទី២០ មេសា បានជូនដំណឹងស្ដីពី កម្មវិធីប្រកួតប្រជែងវីដេអូអាស៊ានលើកទី៦។ ការប្រកួតប្រជែងវីដេអូនេះ នឹងផ្ដល់ឱកាសឱ្យយុវជន ក្លាយខ្លួនជាផលិតករភាពយន្តវ័យក្មេងនៅក្នុងតំបន់អាស៊ាន តាមរយៈការប្រកួតប្រជែងវីដេអូខ្លី ។ ការទទួលពាក្យប្រកួតវីដេអូ ចាប់ពីថ្ងៃជូនដំណឹងនេះ រហូតដល់ថ្ងៃទី០៨ ឧសភា ឆ្នាំ២០២២។
ការប្រកួតប្រជែងវីដេអូនេះ នឹងផ្ដល់ឱកាសឱ្យយុវជន ក្លាយខ្លួនជាផលិតករភាពយន្តវ័យក្មេងនៅក្នុងតំបន់អាស៊ាន តាមរយៈការប្រកួតប្រជែងវីដេអូខ្លី ក្រោមប្រធានបទ «យុវជនដោះស្រាយបញ្ហាប្រឈមជាមួយគ្នា - រក្សាភាពស្វាហាប់ក្នុងអំឡុងពេលនៃការរាតត្បាត៖ ACTnow!»។
បេក្ខជនដែលចូលរួមប្រកួត ត្រូវតែមានអាយុ១៨-៣០ឆ្នាំ និងមិនមែនជាអ្នកដែលធ្វើការ ឬមានអាជីពជាអ្នកថតវីដេអូ។ វីដេអូ ដែលដាក់ក្នុងការប្រកួត ត្រូវមានរយៈពេល ៦០វិនាទីតែប៉ុណ្ណោះ។ ការចួលរួមក្រកួតវីដេអូនេះ អាចជាបុគ្គល ឬជាក្រុម។
បេក្ខជនដែលជាប់ជ័យលាភី១០រូប នឹងចូលរួមសិក្ខាសាលាបណ្តុះបណ្តាលផ្ទាល់ពីគ្រូឯកទេសផលិតវីដេអូ រយៈពេល ៤ថ្ងៃ នៅទីក្រុងភ្នំពេញ ប៉ុន្ដែសម្រាប់វីដេអូ ដែលធ្វើជាក្រុម មានសមាជិកតែម្នាក់ប៉ុណ្ណោះ ដែលអាចចូលរួមក្នុងសិក្ខាសាលានេះ។
