Cc time
Cct850x100 1
Itt 0  web banner

ទាហានរុស្ស៊ីបានបំផ្លាញទីតាំងយោធាជាច្រើនរបស់កងទ័ពអ៊ុយក្រែន

អន្តរជាតិ
/
អ្នកយកព័ត៌មាន:
លី ម៉ាលីង
/
ទាហានរុស្ស៊ីបានបំផ្លាញទីតាំងយោធាជាច្រើនរបស់កងទ័ពអ៊ុយក្រែន ប្រភពរូប៖ ស៊ីស៊ីធីវី

រុស្ស៊ី៖ អ្នកនាំពាក្យក្រសួងការពារជាតិរុស្ស៊ី លោក Igor Konashenkov បាននិយាយកាលពីថ្ងៃចន្ទថា ទាហានរុស្ស៊ី បានបំផ្លាញទីតាំងយោធាជាច្រើនរបស់កងទ័ពអ៊ុយក្រែន ពីថ្ងៃអាទិត្យដល់ថ្ងៃចន្ទ។

បើតាមលោក Konashenkov កងកម្លាំងប្រដាប់អាវុធរុស្ស៊ីបានបំផ្លាញគោលដៅ យោធាមួយចំនួនរបស់កងកម្លាំងអ៊ុយក្រែនកាលពីល្ងាចថ្ងៃអាទិត្យ ជាមួយនឹងមីស៊ីលដែលមានភាពជាក់លាក់ខ្ពស់។ កងទ័ពរុស្ស៊ី ក៏បានបំផ្លាញឃ្លាំងអាវុធ ដែលផ្គត់ផ្គង់ដោយប្រទេសលោកខាងលិចនៅជិតទីក្រុង Lviv ភាគខាងលិចនៃប្រទេសអ៊ុយក្រែនកាលពីព្រឹកថ្ងៃចន្ទ។

លោក Konashenkov បានប្រាប់សន្និសីទសារព័ត៌មានមួយថា កងកម្លាំងអាកាសរុស្ស៊ីបានប្រើមីស៊ីលអាកាស ដើម្បីវាយប្រហារមជ្ឈមណ្ឌលដឹកជញ្ជូននៃកងកម្លាំងប្រដាប់អាវុធអ៊ុយក្រែននៅជិតទីក្រុង Lviv ដោយបានបំផ្លាញគ្រឿងសព្វាវុធយ៉ាងច្រើនពីសហរដ្ឋអាមេរិក និងបណ្តាប្រទេសអឺរ៉ុបក្នុងរយៈពេលប្រាំមួយថ្ងៃកន្លងមកនេះ។

លើសពីនេះ កម្លាំងទ័ពអាកាសរបស់រុស្ស៊ីបានធ្វើការវាយប្រហារទៅលើទីតាំងយោធាចំនួន ៨៤ របស់កងទ័ពអ៊ុយក្រែន ខណៈដែលអង្គភាពកាំភ្លើងធំ គ្រាប់រ៉ុក្កែត បានវាយប្រហារទៅលើគោលដៅយោធាចំនួន ៣៣១ របស់ភាគីអ៊ុយក្រែន។

នៅទីក្រុង Mariupol ការផ្ទុះត្រូវបានគេឮកាលពីថ្ងៃចន្ទ នៅឯរោងចក្រ Azovstal Iron and Steel Works ជាកន្លែងដែលកងកម្លាំងអ៊ុយក្រែនត្រូវបានឡោមព័ទ្ធ។

អ្នកនាំពាក្យក្រសួងការពារជាតិអ៊ុយក្រែនលោក Oleksandr Motuzianyk បាននិយាយកាលពីថ្ងៃចន្ទថា ការឡោមព័ទ្ធទីក្រុង Mariupol បានធ្លាក់ចូលទៅក្នុងស្ថានភាពដ៏លំបាកមួយ ប៉ុន្តែកងទ័ពរុស្ស៊ីមិនទាន់បានគ្រប់គ្រងទីក្រុងទាំងស្រុងនោះទេ។

លោក Motuzianyk បាននិយាយថា កងទ័ពរុស្ស៊ីបានទម្លាក់គ្រាប់បែកលើកងកម្លាំងអ៊ុយក្រែននៅ Mariupol ជាមួយនឹងយន្តហោះទម្លាក់គ្រាប់បែករយៈចម្ងាយឆ្ងាយ Tu-22M3 ។

ប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងសុន្ទរកថាវីដេអូមួយកាលពីថ្ងៃចន្ទថា «កងកម្លាំងរុស្ស៊ីបានចាប់ផ្តើមសមរភូមិដុនបាស ប៉ុន្តែអ៊ុយក្រែននឹងការពារខ្លួន។ អ៊ុយក្រែននឹងបន្តប្រយុទ្ធ មិនថាទាហានរុស្ស៊ីប៉ុន្មាននាក់ត្រូវបាននៅទីនោះទេ»។

លោក Zelensky បាននិយាយថា នៅភាគខាងកើត និងខាងត្បូងនៃអ៊ុយក្រែន ថ្មីៗនេះ កងកម្លាំងរុស្ស៊ីបានព្យាយាមវាយប្រហារដោយចេតនាជាងពេលមុនបន្តិច ហើយស្វែងរកចំណុចខ្សោយក្នុងវិស័យការពារជាតិអ៊ុយក្រែន ដើម្បីទៅទីនោះជាមួយកងកម្លាំងសំខាន់ៗ៕

Khcct banner

អត្ថបទទាក់ទង