Yearendyearend1140x150

CAMPSDA ត្រឡប់មកវិញជាមួយការតស៊ូមតិជាភាសាអង់គ្លេសរបស់និស្សិតមហាវិទ្យាល័យ

យុវជន
/
អ្នកយកព័ត៌មាន:
ជួន រស្មី
/


ភ្នំពេញ៖ Cambodia Public Speaking and Debate Association (CAMPSDA) នឹងរៀបចំព្រឹត្តិការណ៍ការតស៊ូមតិជាភាសាអង់គ្លេសសម្រាប់និស្សិតសាកលវិទ្យាល័យ នៅថ្ងៃទី២៨-២៩ ខែឧសភាខាងមុខនេះ។ កម្មវិធីតស៊ូមតិនោះមានឈ្មោះថា CAMPSDA University Invitational Debate Open 2022 (CUIDO 2022)។

យុវជន មាស សុបញ្ញា ជាសិស្សថ្នាក់ទី១១ នៃសាលារៀនជំនាន់ថ្មីវិទ្យាល័យព្រះស៊ីសុវត្ថិ និងជាMedia Officer របស់ CAMPSDA បានថ្លែងប្រាប់ស៊ីស៊ីថាមស៍ថាការតស៊ូមតិនេះ នឹងមានប្រមាណជា១០ក្រុម ដែលចូលរួមក្នុងការតស៊ូមតិនេះ ដែលក្នុងមួយក្រុមត្រូវមានសមាជិកតែបីនាក់ប៉ុណ្ណោះ និងត្រូវតែជានិស្សិតដែលកំពុងតែសិក្សានៅមហាវិទ្យាល័យ។

យុវជន សុបញ្ញា បានឲ្យដឹងទៀតថាការតស៊ូមតិនោះនឹងធ្វើឡើងចំនួនពីរថ្ងៃ គឺថ្ងៃទី២៨-២៩ ខែឧសភា ដែលប្រព្រឹត្តទៅតាមរយៈអនឡាញ និងនៅទីតាំងផ្ទាល់។ នៅថ្ងៃទីមួយ នៃការតស៊ូមតិនោះ នឹងធ្វើតាមរយៈអនឡាញ និងថ្ងៃទីពីនឹងមិនធ្វើតាមរយៈអនឡាញឡើយ។ ប៉ុន្ដែសម្រាប់ទីតាំងនៃការធ្វើនៅខាងក្រៅ CAMPSDA មិនទាន់បញ្ជាក់ច្បាស់ថានឹងធ្វើនៅទីកន្លែងណានៅឡើយទេ។

យុវជន សុបញ្ញា បានបន្ដថាសម្រាប់ក្រុម ដែលជាប់ជ័យលាភីនិងទទួលបានពាន ហើយបេក្ខជនផ្សេងទៀតនិងទទួលបានមេដាយ និងវិញ្ញាបនបត្រផងដែរ។ សម្រាប់បេក្ខជនដែលមិនបានជាប់ជ័យលាភី និងត្រូវបានជ្រើសរើសជាអ្នកពូកែនិយាយ (Best Speaker) និងទទួលបានមេដាយ ជាអ្នកដែលពូកែនិយាយទៀតផង។

គួរបញ្ជាក់ថា CAMPSDA កំពុងតែជ្រើសរើសអ្នកធ្វើការងារស្ម័គ្រចិត្តសម្រាប់កម្មវិធីនៃការតស៊ូមតិនេះផងដែរ។ ការជ្រើសរើសអ្នកធ្វើការងារស្ម័គ្រចិត្តនេះនឹងឈប់ទទួលពាក្យនៅថ្ងៃទី០៤ ខែមេសានេះ។



ផ្ទាំងពាណិជ្ជកម្ម
Img 4048
ពាក្យទាក់ទង: CAMPSDA CUIDO 2022
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង