ការបោះឆ្នោតនៅទីក្រុងបាងកក នឹងប្រារព្ធនៅថ្ងៃទី២២ឧសភា

ក្រុងបាងកក៖ គណៈកម្មាធិការរៀបចំការបោះឆ្នោត (EC) បានបញ្ជាក់កាលពីថ្ងៃសុក្រថា ការបោះឆ្នោតសម្រាប់ប្រធាន និងសមាជិកក្រុមប្រឹក្សាក្រុងបាងកក និងប៉ាតាយ៉ា នឹងត្រូវធ្វើឡើងនៅថ្ងៃទី ២២ ខែឧសភាឆ្នាំ ២០២២នេះ។

ប្រធាននៃគណៈកម្មាធិការរៀបចំការបោះឆ្នោត លោក Itthiporn Boonprakong បានចុះហត្ថលេខាលើសេចក្តីប្រកាសចំនួនពីរកំណត់កាលបរិច្ឆេទបោះឆ្នោតនៅក្នុងទីក្រុងទាំងពីរ។ ការប្រកាសបានប្រព្រឹត្តទៅជាផ្លូវការដោយបានបញ្ចាក់ពីគណៈកម្មាភធិការរៀបចំការបោះឆ្នោត។

យ៉ាងណាមិញ នៅទីក្រុងបាងកក បេក្ខជនចំនួនប្រាំពីររូប រួមទាំងអភិបាលក្រុង Aswin Kwanmuang កំពុងប្រជែងគ្នាដណ្តើមតំណែងកំពូល។ លោក Pol Gen Aswin នឹងឈរឈ្មោះជាអ្នកតំណាង។ នៅឯទីក្រុងប៉ាតាយ៉ា អភិបាលក្រុង Sontaya Kunplome នឹងគាំទ្រលោក Poramase Ngampiches ឱ្យបន្តតំណែងជាបេក្ខជននៃក្រុម Rak Pattaya ។

ប្រធាននៃគណៈកម្មាធិការរៀបចំការបោះឆ្នោត បាននិយាយថា ការចុះឈ្មោះបេក្ខជនសម្រាប់ការបោះឆ្នោតនៅទីក្រុងបាងកក និងប៉ាតាយ៉ា នឹងបើកនៅថ្ងៃព្រហស្បតិ៍សប្តាហ៍ក្រោយ ហើយបិទនៅថ្ងៃទី ៤ ខែមេសា៕