Yearendyearend1140x150
Img 0571

អាឡឺម៉ង់ដកវិធានការណ៍រឹតបន្តឹងកូវីដ១៩ទូទាំងប្រទេស ទោះបីចំនួនឆ្លងនៅបន្តកើនឡើង

អន្តរជាតិ
/
អ្នកយកព័ត៌មាន:
លី ម៉ាលីង
/
អាឡឺម៉ង់ដកវិធានការណ៍រឹតបន្តឹងកូវីដ១៩ទូទាំងប្រទេស ទោះបីចំនួនឆ្លងនៅបន្តកើនឡើង ប្រភពរូប៖ ស៊ីស៊ីធីវី

អាឡឺម៉ង់៖ សភាអាឡឺម៉ង់ (Bunderstag) កាលពីថ្ងៃអាទិត្យ បានដកជាផ្លូវការនូវការរឹតបន្តឹងកូវីដ១៩ភាគច្រើននៅទូទាំងប្រទេស ទោះបីជាចំនួននៃករណីឆ្លងកើនឡើងក៏ដោយ។

រដ្ឋាភិបាលអាឡឺម៉ង់កាលពីថ្ងៃទី ១៦ ខែកុម្ភៈបានយល់ព្រមលើផែនការបីជំហាន ដើម្បីដកវិធានការណ៍រឹតបន្តឹងកូវីដ១៩ ជាបណ្តើរៗត្រឹមថ្ងៃអាទិត្យ។ ការពាក់ម៉ាស់ និង ការធ្វើតេស្តនៅតែជាកាតព្វកិច្ចសម្រាប់ក្រុមដែលមានហានិភ័យខ្ពស់ រួមទាំងអ្នកជំងឺ និងបុគ្គលិកពេទ្យនៅក្នុងស្ថាប័នគិលានុបដ្ឋាយិកា។ ការពាក់ម៉ាស់ ក៏ជាកត្តាចាំបាច់សម្រាប់ការដឹកជញ្ជូនសាធារណៈផងដែរ នេះបើតាមវិសោធនកម្មច្បាប់ការពារការឆ្លងជំងឺបានចែង។

រដ្ឋសហព័ន្ធ អាចបោះផ្សាយសកម្មភាព ដើម្បីចាត់វិធានការបន្ថែមទៀត ប្រសិនបើការគំរាមកំហែងនៃការរីករាលដាល នៃជំងឺរាតត្បាតកើតឡើង។ រយៈពេលអន្តរកាលជាក់លាក់ ក៏មានសម្រាប់រដ្ឋាភិបាលនៃរដ្ឋសហព័ន្ធ ដើម្បីពន្យារគោលនយោបាយបច្ចុប្បន្នដល់ថ្ងៃទី ២ ខែមេសា ជាមធ្យោបាយមួយដើម្បីកែសម្រួលវិធានការគ្រប់គ្រង COVID-19 ក្នុងតំបន់។

សមាជិកសភាអាឡឺម៉ង់នឹងវាយតម្លៃឡើងវិញនូវគោលនយោបាយបង្ការ និងគ្រប់គ្រងការរីករាលដាលថ្មីសម្រាប់រដូវស្លឹកឈើជ្រុះ និងរដូវរងារ បន្ទាប់ពីវិសោធនកម្មបច្ចុប្បន្នផុតកំណត់នៅថ្ងៃទី ២៣ ខែកញ្ញា។

ចំនួនសរុបទូទាំងប្រទេសនៃករណី COVID-19 នៅក្នុងប្រទេសអាល្លឺម៉ង់បានកើនឡើងដល់ ១៨.២៩ លាននាក់គិតត្រឹមថ្ងៃសុក្រ ហើយករណីឆ្លងថ្មីជិត ៣០០,០០០ ករណីត្រូវបានរាយការណ៍នៅថ្ងៃអាទិត្យ។

អត្រាឆ្លងរយៈពេល៧ថ្ងៃក្នុងមនុស្ស ១០០,០០០ នាក់ បានឈានដល់កម្រិតខ្ពស់បំផុតគឺ បន្ទាប់ពីកើនឡើងរយៈពេល ១៦ ថ្ងៃជាប់ៗគ្នា។ នេះបើតាមវិទ្យាស្ថាន Robert Koch (RKI) សម្រាប់ជំងឺឆ្លង៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង