អ្នកការទូតជាន់ខ្ពស់ចិននឹងជួបទីប្រឹក្សាសន្តិសុខជាតិអាមេរិកនៅទីក្រុងរ៉ូម

ចិន៖ មន្ត្រីជាន់ខ្ពស់ចិនលោក Yang Jiechi គ្រោងនឹងជួបជាមួយទីប្រឹក្សាសន្តិសុខជាតិអាមេរិក លោក Jake Sullivan នៅថ្ងៃចន្ទនៅទីក្រុងរ៉ូម រដ្ឋធានីនៃប្រទេសអ៊ីតាលី។

លោក Yang សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន និងជាប្រធានការិយាល័យកិច្ចការបរទេសនៃគណៈកម្មាធិការមជ្ឈិម CPC នឹងផ្លាស់ប្តូរទស្សនៈជាមួយ លោក Sullivan ស្តីពីទំនាក់ទំនងចិន-អាមេរិក និងបញ្ហាអន្តរជាតិ និងតំបន់ដែលជាកង្វល់រួម។

បញ្ហាសំខាន់នៃកិច្ចប្រជុំនេះ គឺដើម្បីអនុវត្តការឯកភាពដ៏សំខាន់ដែលសម្រេចបានដោយប្រមុខរដ្ឋចិន និងសហរដ្ឋអាមេរិកនៅក្នុងកិច្ចប្រជុំកំពូលនិម្មិតរបស់ពួកគេកាលពីខែវិច្ឆិកាឆ្នាំមុន។

ភាគីទាំងពីរបានទាក់ទងគ្នាលើបញ្ហានេះតាំងពីចុងឆ្នាំមុន ដោយនៅតែទាក់ទងគ្នាអំពីកិច្ចប្រជុំ និងកំណត់កាលបរិច្ឆេទនៃកិច្ចប្រជុំតាមកាលវិភាគរបស់ខ្លួន៕