ភ្នំពេញ៖ ផ្លូវជាតិលេខ ៤ នឹងត្រូវពង្រីក ពីទទឹង៧ ទៅ១០ ម៉ែត្រ ដោយគម្រោងនេះនឹងចាប់ផ្តើមពីខែធ្នូឆ្នាំ២០២១ រហូតដល់ខែធ្នូ ឆ្នាំ២០២៦។នេះបើតាមសេចក្តីជូនដំណឹង ស្តីពីការស្ថាបនា និងពង្រីកផ្លូវជាតិលេខ៤ របស់ក្រសួងសាធារណការនិងដឹកជញ្ជូននៃប្រទេសកម្ពុជា។
រាជរដ្ឋាភិបាលកម្ពុជាបានទទួលប្រាក់កម្ចីសម្បទានពីធនាគារពិភពលោក តាមរយៈគម្រោងលេខ IDA Credit. 6279-KH: សម្រាប់ធ្វើការស្ថាបនា នឹងពង្រឹងផ្លូវជាតិលេខ៤ ដើម្បីធន់នឹងការបម្រែបម្រួលអាកាសធាតុ និងបង្កើតសុវត្ថិភាពដល់ការធ្វើដំណើររបស់ប្រជាពលរដ្ឋ។
ក្រសួងបានចាប់ផ្តើមធ្វើការពង្រីក និងជួសជុលផ្លូវជាតិលេខ៤ ចាប់ពី ឃុំបែកចាន ស្រុកអង្គស្នូល ខេត្តកណ្តាល (គ.ម១៩+៧០០) និងបញ្ចប់ នៅឃុំបិតត្រាំង ស្រុកព្រៃនប់ ស្រុកព្រៃនប់ ខេត្តព្រះសីហនុ (គ.ម២១៥+៨០០)។
