អ៊ុយក្រែន៖ រដ្ឋមន្ត្រីការបរទេសអាមេរិកលោក Antony Blinken នៅថ្ងៃទី ៥ មីនា បានជួបពិភាក្សាជាមួយរដ្ឋមន្ត្រីការបរទេសប៉ូឡូញ Zbigniew Rau ក្នុងទីក្រុង Rzeszow នៅតាមព្រំដែនជាមួយអ៊ុយក្រែន។ Blinken បានឆ្លងព្រំដែនចូលអ៊ុយក្រែន ដើម្បីជួបរដ្ឋមន្ត្រីការបរទេសអ៊ុយក្រែន Dymtro Kuleba ផងដែរ។
លោក Blinken បានបញ្ជាក់ជាថ្មីក្នុងសន្និសីទសារព័ត៌មានថា សហរដ្ឋអាម៉េរិក «នឹងការពារទឹកដីនៃសមាជិករបស់អង្គការណាតូ» ហើយបានប្រកាសថា រដ្ឋបាលលោក Biden កំពុងរៀបចំបែងចែកជំនួយមនុស្សធម៌បន្ថែមចំនួន ២.៧៥ ពាន់លានដុល្លារ សម្រាប់ជនភៀសខ្លួនអ៊ុយក្រែន។
Blinken ក៏បានសរសើរប៉ូឡូញសម្រាប់ការជួយជនជាតិអ៊ុយក្រែនរាប់សែននាក់ដែលបានភៀសខ្លួនចេញពីប្រទេសកំណើតរបស់ពួកគេដោយនិយាយថា "ប្រជាជនប៉ូឡូញដឹងថាវាមានសារៈសំខាន់ប៉ុណ្ណាដើម្បីការពារសេរីភាព" ។