Cc time
Cct850x100 1
Itt 0  web banner

ប្រេងសាំងបន្តឡើងថ្លៃ១០០រៀលឬ៤.៨០០រៀល/លីត្រសម្រាប់សាំងធម្មតានៅក្នុងខែមីនានេះ

សេដ្ឋកិច្ច
/
អ្នកយកព័ត៌មាន:
ហួ ឆេងស៊ីម
/
រូបភាព៖ សហការី

ភ្នំពេញ៖ ចាប់ពីថ្ងៃទី០១ ដល់ថ្ងៃទី១៥ ខែមីនា ឆ្នាំ២០២២ តម្លៃប្រេងសាំងបានបន្តឡើងថ្លៃ១០០រៀលបន្ថែម ឬ៤.៨០០រៀល/លីត្រសម្រាប់សាំងធម្មតា។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្មកម្ពុជានៅថ្ងៃទី០១ ខែមីនា ឆ្នាំ២០២២។

យោងតាមការប្រែប្រួលនៃតម្លៃប្រេងឥន្ធនៈលើទីផ្សារក្នុងតំបន់ និងអន្តរជាតិផ្អែកតាមតម្លៃមធ្យមប្រេងឥន្ធនៈលើទីផ្សារអន្តរជាតិ ថ្លៃលក់រាយប្រេងឥន្ធនៈពីថ្ងៃទី០១ ដល់ ១៥ ខែមីនា ឆ្នាំ២០២២នឹងត្រូវលក់ ៤.៩៦០រៀល/១លីត្រ សម្រាប់សាំងធម្មតា EA92 និង ៤.៦៦០រៀល/លីត្រ សម្រាប់ប្រេងម៉ាស៊ូត។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្ម។

សេចក្តីប្រកាសបន្តថា ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជា ចំនួន៤សេនដុល្លារ/លីត្រ ។

ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី០១ ដល់ ១៥ ខែមីនា ឆ្នាំ២០២១២ នឹងចុះមក ៤.៨០០រៀល/លីត្រ សម្រាប់សាំងធម្មតា EA92 និង ៤.៥០០ រៀល/លីត្រ សម្រាប់ប្រេងម៉ាស៊ូត។ 

គួរបញ្ជាក់ថា កាលពីថ្ងៃទី ១៦ ខែកុម្ភៈ ដល់ថ្ងៃទី២៨ ខែកុម្ភៈ ឆ្នាំ២០២២ សាំងធម្មតាត្រូវលក់តម្លៃ៤,៧០០រៀល ក្នុងមួយលីត្រ និងម៉ាស៊ូតលក់ក្នុងតម្លៃ ៤,៤៥០រៀល ក្នុង១លីត្រ ខណៈតម្លៃប្រេងសាំងស៊ុបពែរតម្លៃ៥,២៥០រៀល៕

Khcct banner

អត្ថបទទាក់ទង