Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Cc time 1800 x 300

បច្ចុប្បន្នកម្ពុជាមានយានយន្ដជិត៦លានគ្រឿង ក្នុងនោះ​រថយន្ត៦០​ភាគរយ​អត់មក​ឆៀក​

សង្គម
/
អ្នកយកព័ត៌មាន:
ឌី ចិន្ដា
/
ប្រភព៖ ក្រសួងសាធារណការ និងដឹកជញ្ជូន

ភ្នំពេញ៖កម្ពុជាបច្ចុប្បន្នយានយន្ដទាំងអស់ដែលចុះបញ្ជី ប្រហែលជិត៦លានគ្រឿង ក្នុងនោះមានឡានជិត១លានគ្រឿង ដែល ៦០ភាគរយដែលឡានទាំងអស់អត់មកឆៀក ខណៈពេលមានឡានត្រឹមតែ ៤០ភាគរយប៉ុណ្ណោះដែលមកឆៀក។ នេះយោងទៅតាមការថ្លែងរបស់លោក ឈួន វ៉ន់ ថ្លែងបញ្ជាក់ក្នុងសន្និសីទសារព័ត៌មានស្ដីពីការអនុវត្តរឹតបន្តឹងច្បាប់ចរាចរណ៍ផ្លូវគោក នៅថ្ងៃទី១២ ខែឧសភា ឆ្នាំ២០២០នេះ។

លោក ឈួន វ៉ន់ បញ្ជាក់ថា ការស្រង់ទិន្នន័យជាក់ស្ដែងនៃយានយន្ត មានឡានខ្លះសុពលភាពហួស មិនដឹងថាហួសប៉ុន្មានឆ្នាំមកហើយទេ ហើយមានឡានខ្លះអត់ដែលមកឆៀកតែម្ដង។ ជាការឆ្លើយតបលោកអគ្គនាយកនៃអគ្គនាយកដ្ឋានដឹកជញ្ជូនផ្លូវគោករូបនេះ ថ្លែងក្នុងសន្និសីទថា «តាមការប៉ាន់ប្រមាណរបស់ខ្ញុំ ចំនួនយានយន្ដដែលមកចុះបញ្ជីទាំងម៉ូតូ ឡានទាំងអស់ ជិត ៦លានគ្រឿង ក្នុងនោះមានឡានចូលជិត ១លានគ្រឿង និងម៉ូតូ (ទោចក្រយានយន្ត) ចំនួនជាង ៨០ភាគរយ។ ហើយស្ថិតិដែលបានស្រង់ក្នុងបញ្ជី ខ្ញុំបានឃើញថា ឡានអត់មកឆៀក ប្រហែល ៦០ភាគរយ និងឡានដែលមកឆៀកមានត្រឹមតែ ៤០ភាគរយតែប៉ុណ្ណោះ»។


សូមបញ្ជាក់ថា សន្និសីទសារព័ត៌មានស្ដីពីការអនុវត្តរឹតបន្តឹងច្បាប់ចរាចរណ៍ផ្លូវគោកនេះ ក្រោមអធិបតីភាព លោកស្រី មឹន មាណវី រដ្ឋលេខាធិការនៃក្រសួងសាធារណការ និងដឹកជញ្ជូន និងលោក ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក និងលោក ហ៊ឹម យ៉ាន អគ្គស្នងការរងនគរបាលជាតិ ដែលប្រព្រឹត្តនៅថ្ងៃអង្គារ ទី១២ ខែឧសភា ឆ្នាំ២០២០នេះ។

ផ្ទាំងពាណិជ្ជកម្ម
Img 9694
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង