Cc time
Cct850x100 1
Itt 0  web banner

លោកបៃដិន៖ «ការដកទ័ពរបស់រុស្ស៊ីគឺជាឆាកល្ខោនប៉ុណ្ណោះ»

អន្តរជាតិ
/
អ្នកយកព័ត៌មាន:
កូ រដ្ឋា
/
លោកបៃដិន និង ពូទីន

ទីក្រុងវ៉ាស៊ីនតោន៖ ប្រធានាធិបតីអាម៉េរិកលោក Joe Biden បាននិយាយថា ការវាយប្រហាររបស់រុស្ស៊ីលើអ៊ុយក្រែនគឺ "នៅតែមានលទ្ធភាពច្រើន" លោក បានទទូចថារុស្សីធ្វើនេះគឺជាឆាកល្ខោនមួយប៉ុណ្ណោះ។ នៅក្នុងសុន្ទរកថាដែលចាក់ផ្សាយតាមទូរទស្សន៍ជាតិ លោកបាននិយាយថា សហរដ្ឋអាមេរិកបានត្រៀមខ្លួនជាស្រេចដើម្បីឆ្លើយតបយ៉ាងម៉ឺងម៉ាត់ចំពោះទង្វើបែបនេះ។

ប្រធានាធិបតីអាម៉េរិករូបនេះបានបន្តថាឥឡូវនេះរុស្ស៊ីបានប្រមូលទ័ពប្រមាណ ១៥ ម៉ឺននាក់នៅព្រំដែនជាមួយអ៊ុយក្រែន។ រដ្ឋមន្ត្រីការពារជាតិរុស្ស៊ីបាននិយាយថា កងកម្លាំងមួយចំនួនបានដកខ្លួនចេញ ក៏បប៉ុន្តែលោក Biden បានទទូចថារុស្សីធ្វើនេះគឺជាឆាកល្ខោនមួយប៉ុណ្ណោះ។

លោក បៃដិន បាននិយាយថា កងកម្លាំងរុស្ស៊ីចាកចេញជាការល្អ ប៉ុន្តែយើងមិនទាន់ជឿងបាន ១០០ភាគរយនោះទេ។ យើងក៏មិនទាន់ច្បាស់ថាតើរុស្សីបញ្ចូនទ័ពទៅមូលដ្ឋានវិញរឺយ៉ាងណាឡើយ លោកថា អ្នកវិភាគមួយចំនួនធំយល់ឃើញថារុស្សីធ្វើនេះគឺជាចេតនាគំរាមគំហែងមកលើអ៊ុយក្រែនជាខ្លាំង។

យ៉ាងណាមិញ កាលពីថ្ងៃអង្គារ សារព័ត៌មានមួយរបស់ អ៊ុយក្រែនក្រែនបានចុះផ្សាយថា គេហទំព័ររបស់ក្រសួងការពារជាតិរបស់ខ្លួន និងធនាគារចំនួនពីរបានស្ថិតនៅក្រោមការវាយប្រហារតាមអ៊ីនធឺណិត។ មូលហេតុគឺមិនច្បាស់ទេ អ៊ុយក្រែនបានទទួលរងការវាយប្រហារទ្រង់ទ្រាយធំពីមុនមកលើហេដ្ឋារចនាសម្ព័ន្ធអនឡាញរបស់ខ្លួន ហើយបានចង្អុលមុខទៅរុស្ស៊ីថាជាអ្នកនៅពីក្រោយឬរឿងនេះ។

មានការព្រួយបារម្ភជាយូរមកហើយថា ជាជាងការលុកលុយទ្រង់ទ្រាយធំ រុស្ស៊ីអាចប្រើមធ្យោបាយមិនសូវច្បាស់ដើម្បីធ្វើឱ្យអ៊ុយក្រែនមានអស្ថិរភាព ជាឧទាហរណ៍ តាមរយៈការវាយប្រហារតាមអ៊ីនធឺណិតលើហេដ្ឋារចនាសម្ព័ន្ធសំខាន់ៗជាមុនសិន។ ប្រធានាធិបតី Biden បាននិយាយកាលពីថ្ងៃអង្គារថា សហរដ្ឋអាមេរិកបានត្រៀមខ្លួនដើម្បីឆ្លើយតបទៅនឹងវិធានការណ៍បែបនេះរួចជាស្រេច។ លោក បៃដិន បានបន្តថា លោកយល់ស្របនឹងសំណើរបស់រដ្ឋាភិបាលរុស្ស៊ីដើម្បីបន្តការទូត។

លោកក៏បានព្រមានថា សេដ្ឋកិច្ចអាមេរិកអាចរងការរំខានដល់ការផ្គត់ផ្គង់ថាមពល និងការកើនឡើងតម្លៃយ៉ាងគំហុក ក្នុងករណីដែលទំនងជាការដាក់ទណ្ឌកម្មលើរុស្ស៊ីជាការឆ្លើយតបទៅនឹងការឈ្លានពានណាមួយរបស់អ៊ុយក្រែន។

ប្រធានាធិបតីអាមេរិករូបនេះបានបន្តថា៖ «ប្រជាជនអាមេរិកយល់ថាការការពារលទ្ធិប្រជាធិបតេយ្យ និងសេរីភាពគឺមិនដែលគ្មានតម្លៃនោះទេ។ លោកបានបន្តថា រដ្ឋបាលកំពុងធ្វើការលើផែនការភាពអាសន្នជាមួយអ្នកផលិតថាមពល និងអ្នកដឹកជញ្ជូន ដើម្បីបញ្ចៀសបញ្ហាផ្គត់ផ្គង់ដ៏មានសក្តានុពលមួយ។

ដោយឡែកលោក ពូទីន តែងតែបដិសេធចំពោះការរៀបចំផែនការលុកលុយ ហើយបាននិយាយថា រុស្ស៊ីមិនចង់បានសង្រ្គាមមួយទៀតនៅអឺរ៉ុបទេ ខណៈពេលដែលភាពតានតឹងបានកើនឡើងតាំងពីខែវិច្ឆិកាមក។ លោក វ្ល៉ាឌីមៀ ពូទីន បាននិយាយកាលពីថ្ងៃអង្គារថា រុស្ស៊ីមិនចង់បានសង្រ្គាមទេ។ គាត់បាននិយាយបន្ទាប់ពីកិច្ចប្រជុំរយៈពេលបួនម៉ោងជាមួយអធិការបតីអាល្លឺម៉ង់ Olaf Scholz ៕

តាមប្រភពព័ត៌មានមួយបានឲ្យដឹងថា ចារកម្មអាមេរិកជឿថារុស្ស៊ីអាចវាយប្រហារអ៊ុយក្រែននៅថ្ងៃពុធនេះ ប្រធានាធិបតីអ៊ុយក្រែនលោក Volodymyr Zelensky បានប្រកាសថាវាជាថ្ងៃនៃការរួបរួម ដោយអំពាវនាវឱ្យពលរដ្ឋគ្រវីទង់ជាតិរបស់ប្រទេស ហើយពាក់បូពណ៌ខៀវ និងពណ៌លឿង ដែលជាពណ៌ជាតិរបស់អ៊ុយក្រែន។

លោក ពូទីន ចង់បានការធានាថា អ៊ុយក្រែននឹងមិនចូលរួមជាមួយសម្ព័ន្ធមិត្តយោធាណាតូលោកខាងលិចទេ ពីព្រោះលោកមើលឃើញថា ការពង្រីកខ្លួនណាតូជាការគំរាមកំហែងដល់សន្តិសុខរុស្ស៊ីជាខ្លាំង។ ទោះបីជាមានការទាមទាពីរុស្សីក៏ដោយ ណាតូបានច្រានចោលការទាមទារនោះស្រុង។

ទន្ទឹមនិងនេះអង្គការណាតូបានសម្តែង "សុទិដ្ឋិនិយមដោយប្រយ័ត្នប្រយែង" កាលពីថ្ងៃអង្គារ អំពីការប្រកាសរបស់យោធារុស្ស៊ីថា ខ្លួនបានដកកងទ័ពរបស់ខ្លួនខ្លះចេញពីព្រំដែនជាមួយអ៊ុយក្រែន។

រដ្ឋមន្ត្រីការបរទេសអាមេរិក លោក Antony Blinken បានប្រាប់សមភាគីរុស្ស៊ី លោក Sergei Lavrov នៅក្នុងជំនួបទូរស័ព្ទថា សហរដ្ឋអាមេរិកចាំបាច់ត្រូវមើលឃើញ "ការបន្ធូរបន្ថយដែលអាចផ្ទៀងផ្ទាត់បាន គួរឱ្យទុកចិត្ត និងមានអត្ថន័យ"សម្រាប់ការឈ្លានពានរបស់រុស្សី ។

មុននេះបន្តិច នាយករដ្ឋមន្ត្រីអង់គ្លេស Boris Johnson បាន tweet ថាមាន "សញ្ញាចម្រុះ" ចេញមកពីរុស្ស៊ី ដោយសារតែការស៊ើបការណ៍សម្ងាត់របស់ចក្រភពអង់គ្លេសបង្ហាញថា មន្ទីរពេទ្យរុស្ស៊ីកំពុងត្រូវបានសាងសង់នៅជិតព្រំដែន ដែលអាច "គ្រាន់តែបកស្រាយថាជាការរៀបចំសម្រាប់ការលុកលុយ"៕

Khcct banner

អត្ថបទទាក់ទង