Cc time
Cct850x100 1
Itt 0  web banner

ថៃនឹងកែលម្អប្រព័ន្ធឆ្លងកាត់«Thailand Pass»ដើម្បីសម្រួលដល់ភ្ញៀវទេសចរបរទេស

អន្តរជាតិ
/
អ្នកយកព័ត៌មាន:
លី​ ម៉ាលីង
/
នាយករដ្ឋមន្ត្រីថៃ Prayut Chan-o-cha ប្រភពរូប៖ The Nation Thailand

ថៃ៖ អ្នកនាំពាក្យរដ្ឋាភិបាលលោក Thanakorn Wangboonkongchana បាននិយាយនៅថ្ងៃពុធថា នាយករដ្ឋមន្ត្រីថៃ Prayut Chan-o-cha ចង់ឱ្យប្រព័ន្ធ Thailand Pass ត្រូវបានធ្វើឱ្យប្រសើរឡើង ដើម្បីធ្វើឲ្យមានភាពងាយស្រួលដល់ភ្ញៀវទេសចរបរទេសចូលមកក្នុងប្រទេស ។

លោក Prayut បានបញ្ជាឱ្យភ្នាក់ងាររដ្ឋាភិបាលដែលពាក់ព័ន្ធ ពន្លឿនកិច្ចខិតខំប្រឹងប្រែងដើម្បីស្វែងរកកំហុស និងកែតម្រូវកំហុសនៅក្នុងប្រព័ន្ធ ដើម្បីបង្កភាពងាយស្រួលដល់ភ្ញៀវទេសចរបរទេសក្នុងការចុះឈ្មោះ។លោកបានកត់សម្គាល់ថា ភ្ញៀវទេសចរបរទេសមានសារៈសំខាន់សម្រាប់ការងើបឡើងវិញនៃសេដ្ឋកិច្ច។

អ្នកនាំពាក្យរូបនេះបាននិយាយថា ទីភ្នាក់ងារអភិវឌ្ឍន៍រដ្ឋាភិបាលឌីជីថល អង្គការសាធារណៈដែលទទួលបន្ទុក Thailand Pass បានពន្លឿនការពិចារណាលើកម្មវិធី និងបានអនុម័ត QR កូដ សម្រាប់ភ្ញៀវទេសចរក្នុងរយៈពេលប្រាំពីរថ្ងៃ។ អាជ្ញាធរទេសចរណ៍ថៃ (TAT) កំពុងសម្របសម្រួលជាមួយក្រសួងការបរទេស និងមជ្ឈមណ្ឌលគ្រប់គ្រងស្ថានការណ៍កូវីដ១៩ ដើម្បីចាប់ផ្តើមយុទ្ធនាការផ្សព្វផ្សាយការយល់ដឹងក្នុងចំណោមសណ្ឋាគារ និងភ្ញៀវទេសចរបរទេសអំពីរបៀបប្រើប្រាស់ប្រព័ន្ធនេះ។

ប្រព័ន្ធ Thailand Pass Hotel និង Swap System (TPHS) ថ្មីត្រូវបានភ្ជាប់ជាមួយ Thailand Pass ដើម្បីបង្កភាពងាយស្រួលដល់សណ្ឋាគារក្នុងការអនុម័តការកក់ និងអនុញ្ញាតឱ្យអ្នកទេសចរណ៍ផ្លាស់ប្តូរសណ្ឋាគារកាន់តែងាយស្រួល។ TPHS នឹងចំណាយពេល 10-15 នាទីដើម្បីអនុម័តសំណើ ហើយប្រព័ន្ធ Thailand Pass សំខាន់នឹងឆ្លើយតបរាល់ម៉ោង។

លោក Thanakorn បានបន្ថែមថា TAT កំពុងចាប់ផ្តើមយុទ្ធនាការយល់ដឹងសម្រាប់សណ្ឋាគារដើម្បីចូលរួមជាមួយប្រព័ន្ធ TPHS ដែលអាចជូនដំណឹងដល់ពួកគេតាមរយៈអ៊ីមែលនៅពេលមានការកក់ថ្មីត្រូវបានធ្វើឡើង៕

Khcct banner

អត្ថបទទាក់ទង