Cc time
Cct850x100 1
Itt 0  web banner

មេប៉ូលីសកាណាដាលាលែងពីតំណែងក្រោយរងការរិះគន់ក្នុងការចាត់ចែងកងកម្លាំងលើអ្នកតវ៉ា

អន្តរជាតិ
/
អ្នកយកព័ត៌មាន:
លី​ ម៉ាលីង
/
មេប៉ូលីសកាណាដាលាលែងពីតំណែងក្រោយរងការរិះគន់ក្នុងការចាត់ចែងកងកម្លាំងលើអ្នកតវ៉ា ប្រភពរូប៖ RT

កាណាដា៖ មេប៉ូលីសអូតាវ៉ា លោក Peter Sloly បានលាលែងពីតំណែង ចំពេលមានការរិះគន់លើការចាត់ចែងរបស់កងកម្លាំងលើការតវ៉ាដែលដឹកនាំដោយក្បួនរថយន្តសេរីភាព (Freedom Convoy )ដែលកំពុងបន្តប្រឆាំងនឹងការចាក់វ៉ាក់សាំងកាតព្វកិច្ច នៅក្នុងរដ្ឋធានីរបស់ប្រទេសកាណាដា។ នេះបើតាមការរាយការណ៍របស់ក្រុមប្រឹក្សាភិបាលប៉ូលិសកាលពីថ្ងៃអង្គារ។

សមាជិកក្រុមប្រឹក្សាក្រុងអូតាវ៉ា លោក Riley Brockington បានបង្ហោះសារអំពីការលាលែងពីតំណែងដ៏គួរឱ្យភ្ញាក់ផ្អើល ដែលកើតឡើងមួយសប្តាហ៍បន្ទាប់ពីលោក Sloly បាននិយាយថា លោកមិនមានគម្រោងចុះចេញពីតំណែងឡើយ បើទោះបីជាមានសម្ពាធកាន់តែខ្លាំងឡើងពីសហព័ន្ធ និងរដ្ឋាភិបាលក្នុងតំបន់ ដើម្បីបណ្តេញក្រុមបាតុករ។

បណ្តាញផ្សព្វផ្សាយបានរាយការណ៍ថា អ្នកស្រុកក្នុងទីក្រុងកាន់តែខឹងសម្បារកាន់តែខ្លាំងឡើងចំពោះការឆ្លើយតបរបស់ប៉ូលីសចំពោះការតវ៉ាដែលបានគ្របដណ្ដប់លើទីប្រជុំជននៃរដ្ឋធានី។សារព័ត៌មាន CTV បានរាយការណ៍ថា ក្នុងរយៈពេលមួយសប្តាហ៍កន្លងមកនេះ លោក Sloly បានស្នើម្តងហើយម្តងទៀតឱ្យមានការពង្រឹង ដោយបានស្នើសុំប៉ូលីសបន្ថែមចំនួន ១,៨០០ ដើម្បីបញ្ចប់ការតវ៉ា។

ទន្ទឹមនឹងនេះដែរ ប្រភពជាច្រើនដែលមិនបញ្ចេញឈ្មោះបានប្រាប់ CBC ថាទំនាក់ទំនងមានភាពតានតឹងរវាងលោក Sloly និងសមាជិកជាន់ខ្ពស់នៃកងកម្លាំង ក៏ដូចជាមន្រ្តីមកពីប៉ូលីសខេត្ត Ontario (OPP) និង Royal Canadian Mounted Police (RCMP) ដែលត្រូវបានដាក់ពង្រាយដើម្បីពង្រឹងការអនុវត្តច្បាប់ក្នុងតំបន់ក្នុងអំឡុងពេលមានវិបត្តិ៕

Khcct banner

អត្ថបទទាក់ទង