ចិន៖ កាលពីពេលថ្មីៗនេះនៅក្នុងតំបន់ព្រិលខ្ពង់រាបនៃតំបន់ស្វ័យយ័តទីបេ ប្រទេសចិនបានរៀបចំពិធីអបអរសារទរនៃការដាំដុះក្នុងរដូវផ្ការីក។
អ្នកភូមិនៅទីនោះបានចូលរួមរៀបពិធីអបអរជាច្រើនយ៉ាងសំបូរបែបដូចជា៖ ការប្រណាំងសេះ ពិធីបណ្តុះគ្រាប់ពូជក្តីសង្ឃឹម រាំច្រៀងក្នុងរបាំលោតឆ្នាំង ។ល។
ដោយអ្នកភូមិទាំងអស់បានប្រើវិធីទំនៀមទំលាប់ផ្តល់ការជូនពររបស់ខ្លួនដល់ពិធីអបអរសារទរនៃការដាំដុះក្នុងរដូវផ្ការីក។
អ្នកភូមិនៅទៅនេះយល់ថាស្រុក “Ni Ma” គឺជាកន្លែងដែលមានចំងាយជិតបំផុតពីព្រះអាទិត្យទើបដាក់ឈ្មោះស្រុកនេះជាស្រុក“Ni Ma”។ “Ni Ma” ជាភាសាទីបេមានន័យថាជាព្រះអាទិត្យ។
ថ្វីត្បិតតែស្រុក “Ni Ma” មានចំងាយជិតបំផុតពីព្រះអាទិត្យ តែទីនេះមានសីតុណ្ហភាពប្រចាំឆ្នាំជាមធ្យមគឺ៤ អង្សារសេក្រោមសូន្យ ដែលមានអាកាសធាតុត្រជាក់ ហើយជីវភាពប្រចាំថ្ងៃរបស់ប្រជាជន គឺពឹងផ្អែកលើការចិញ្ជឹមសត្វ៕ អត្ថបទបកប្រែពីទីភ្នាក់ងារព័ត៌មានចិន ស៊ិនហួរ