Cc time
Cct850x100 1
Itt 0  web banner

ចក្រភពអង់គ្លេសបានអនុម័តវ៉ាក់សាំង Novavax ប្រូតេអ៊ីនដំបូងគេ

អន្តរជាតិ
/
អ្នកយកព័ត៌មាន:
លី ម៉ាលីង
/
ចក្រភពអង់គ្លេសបានអនុម័តវ៉ាក់សាំង Novavax ប្រូតេអ៊ីនដំបូងគេ ប្រភពរូប៖ RT

អង់គ្លេស៖ កាលពីថ្ងៃព្រហស្បតិ៍៥ទីភ្នាក់ងារគ្រប់គ្រងឱសថ និងផលិតផលថែទាំសុខភាពរបស់ចក្រភពអង់គ្លេស (MHRA) បានអនុម័តវ៉ាក់សាំង Novavax ជាវ៉ាក់សាំងទី៧ របស់ប្រទេសដែលប្រើសម្រាប់ការពារកូវីដ១៩ សម្រាប់អ្នកដែលមានអាយុ ១៨ ឆ្នាំឡើង។

វ៉ាក់សាំងដែលមានឈ្មោះថា Nuvaxovid គឺជាវ៉ាក់សាំងដំបូងគេ ដែលមានមូលដ្ឋានលើប្រូតេអ៊ីន ត្រូវបានអនុម័តនៅក្នុងចក្រភពអង់គ្លេសសម្រាប់ការប្រើប្រាស់ប្រឆាំងនឹងកូវីដ១៩។ វាត្រូវចាក់២ដូស និងបានបង្ហាញពីកម្រិតប្រសិទ្ធភាពលើសពី ៩០%។

នាយកប្រតិបត្តិ MHRA លោក June Raine បាននិយាយនៅក្នុងសេចក្តីថ្លែងការណ៍មួយថា ក្រសួង កំពុងបន្តការងារសុវត្ថិភាពដ៏សំខាន់ក្នុងការត្រួតពិនិត្យការប្រើប្រាស់វ៉ាក់សាំងកូវីដ១៩ ទាំងអស់ ដើម្បីធានាថាអត្ថប្រយោជន៍របស់វ៉ាក់សាំងអាចការពារមនុស្សពីហានិភ័យណាមួយ។

ការចាក់វ៉ាក់សាំងនេះ ជាការអភិវឌ្ឍន៍ដ៏សំខាន់មួយក្នុងការយកឈ្នះលើភាពស្ទាក់ស្ទើរក្នុងការចាក់វ៉ាក់សាំង ព្រោះ Novavax គឺជាវ៉ាក់សាំងប្រូតេអ៊ីនដែលប្រើបច្ចេកវិទ្យា inoculation ដូចគ្នាដែលបានប្រើអស់ជាច្រើនទសវត្សរ៍ប្រឆាំងនឹងជំងឺរលាកថ្លើម ជំងឺរើម និងការឆ្លងមេរោគផ្សេងៗទៀត។ វ៉ាក់សាំងនេះត្រូវបានណែនាំដោយនិយតកររបស់សហភាពអឺរ៉ុបក្នុងខែធ្នូ ហើយត្រូវបានអនុម័តជាបន្តបន្ទាប់ដោយសមាជិកសភា។

ការអនុម័តនៅក្នុងចក្រភពអង់គ្លេសកើតឡើងភ្លាមៗបន្ទាប់ពីក្រុមហ៊ុនជីវបច្ចេកវិទ្យាបានដាក់ពាក្យសុំការអនុញ្ញាតនៅសហរដ្ឋអាមេរិក បន្ទាប់ពីមានបញ្ហាជាច្រើនខែទាក់ទងនឹងការអភិវឌ្ឍន៍ និងការផលិត ៕

Khcct banner

អត្ថបទទាក់ទង