ទីក្រុងមូស្កូ៖ ខណៈពេលដែលកំដៅនៃជម្លោះរវាងរុស្សី និងអ៊ុយក្រែនកំពុងតែពុះ ថ្មីៗនេះរុស្សីបានធ្វើសមប្រយុទ្ធយន្តហោះចម្បាំងជាច្រើនគ្រឿងនៅតំបន់យោធាសឹកមួយកន្លែងក្នុងប្រទេសរុស្សី។ នេះបើយោងតាមសារព័ត៌មាន RT របស់រុស្សីចុះផ្សាយកាលពីថ្ងៃមិញ។
យន្តហោះចម្បាំងមួយដែលមានឈ្មោះថា Su-30M របស់កងទ័ពជើងទឹករុស្ស៊ី និងយន្តហោះទម្លាក់គ្រាប់បែក Su-24 បានប្រកួតប្រជែងសមយុទ្ធប្រឆាំងនឹងគោលដៅដែលមានមូលដ្ឋានលើដីនៅឯកន្លែងទម្លាក់គ្រាប់បែកនៅតំបន់ Kaliningrad Oblast ក្នុងប្រទេសរុស្សី។
ក្នុងសមប្រយុទ្ធយន្តហោះចម្បាំងដ៏គ្រោះថ្នាក់នេះត្រូវបានអ្នកសង្កេតការនិងវិភាគ និយាយថា ទាហានរុស្សីបាននិងកំពុងសាកកម្លាំង វៃប្រហារសត្រូវបែបថ្មីដែលគេសន្មត់ថាការសាកល្បងយន្តហោះចម្បាំងរបស់ទាហានរុស្សីមានកម្ពស់រហូតដល់ ១,១០០ ម៉ែត្រ។ ក្នុងពេលពេលដំណាលគ្នានោះដែរ ក៏មាននាវាចម្បាំង និងនាវាផ្គត់ផ្គង់ជាង ១៤០ គ្រឿង ក៏ដូចជាសមាជិកប្រទេសមហាអំណាចផ្សេងៗទៀតប្រហែល ១០,០០០ នាក់បានចាប់ផ្តើមសមប្រយុទ្ធនាពេលថ្មីៗនេះនៅទូទាំងទ្វីបអឺរ៉ុប ដែលគេយល់ឃើញថាមហាអំណាចពិភពលោកកំពុងតែបង្អួតសាច់ដុំដាក់គ្នា។
គួរបញ្ចាក់ថា វិវាទរវាងរុស្សី និងអ៊ុយក្រែនបានកើតឡើងដោយសារតែ អ៊ុយក្រែនទទួចចូលជាសមាជិក អង្កការណាតូ ដែលធ្វើឲ្យរុស្សី បងធំ នៅជិតអ៊ុយក្រែននោះ យល់ឃើញថា អ៊ុយក្រែន កំពុងតែចង់ពង្រីកអំណាច និងយកណាតូជាបងធំសម្រាប់ការពារផ្ទះរបស់ខ្លួនពីរុស្សី។ យ៉ាងណាមិញរុស្សី បានហាមអ៊ុយក្រែនដាច់ខាតពុំឲ្យចូលជាសមាជិកណាតូឡើយ ដោយរុស្សីយល់ឃើញថា អង្កការណាតូ កំពុងតែចង់ពង្រីកអំណាច និងគំរាមគំហែងមកកាន់ដែនដីរុស្សី៕
