អាមេរិក៖ យោងតាមស្ថិតិចុងក្រោយដែលចេញផ្សាយដោយសាកលវិទ្យាល័យ Johns Hopkins នៅសហរដ្ឋអាមេរិក មានករណីថ្មីដែលបានបញ្ជាក់ជិត ១,៥ លានករណីនៅសហរដ្ឋអាមេរិកកាលពីថ្ងៃទី១០ ដែលជាតួលេងខ្ពស់បំផុតចាប់តាំងពីការផ្ទុះឡើងនៃជំងឺរាតត្បាត។
ទិន្នន័យបង្ហាញថា ចំនួនករណីដែលត្រូវបានបញ្ជាក់ថ្មីនៃកូវីដ១៩នៅសហរដ្ឋអាមេរិកនៅថ្ងៃទី ១០ គឺមានកម្រិតខ្ពស់រហូតដល់ ១,៤៣៨,៦៥៦ ហើយអ្នកស្លាប់ថ្មី ១,៩០៦ ត្រូវកត់ត្រាបានបន្ថែម។ រហូតមកដល់ពេលនេះ មានករណីឆ្លងជំងឺកូវីដ១៩ នៅសហរដ្ឋអាមេរិកចំនួន ៦១.៥៥៨.០៨៥ ករណី ដែលមានអ្នកស្លាប់សរុប ៨៣៩.៥០០នាក់។
ថ្មីៗនេះ ជាមួយនឹងការរីករាលដាលយ៉ាងឆាប់រហ័សនៃកូវីដ១៩បំលែងថ្មី អូមីក្រុង ធ្វើឲ្យជំងឺរាតត្បាតនៅសហរដ្ឋអាមេរិក បានស្ទុះងើបឡើងវិញយ៉ាងខ្លាំង ហើយសូចនាករនៃជំងឺរាតត្បាតជាច្រើនបានបង្កើតកំណត់ត្រាថ្មីម្តងហើយម្តងទៀត។ យោងតាមស្ថិតិពីមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក គិតត្រឹមថ្ងៃទី ៨ ការកើនឡើងជាមធ្យមប្រចាំថ្ងៃនៃការចូលមន្ទីរពេទ្យនៅសហរដ្ឋអាមេរិកនៅថ្ងៃទី៧ គឺកើនឡើង ៣២.៧% ពីសប្តាហ៍មុន ដែលជាកំណត់ត្រាខ្ពស់បំផុត។
ដោយសារការកើនឡើងនៃករណីដែលបានបញ្ជាក់ និងការសម្រាកព្យាបាលនៅមន្ទីរពេទ្យ ធ្វើឲ្យប្រព័ន្ធវេជ្ជសាស្ត្ររបស់សហរដ្ឋអាមេរិក កំពុងប្រឈមមុខនឹងការខ្វះខាតបុគ្គលិក។ CNN បានរាយការណ៍ថាយ៉ាងហោចណាស់រដ្ឋចំនួន ១០ បានដាក់ពង្រាយសមាជិកនៃឆ្មាំជាតិ ដើម្បីជួយដល់មន្ទីរពេទ្យដែលមិនមានបុគ្គលិក៕
