ភ្នំពេញ៖ ក្នុងឆ្នាំ២០២១ ក្រសួងដែនដី បានប្រមូលចំណូលចូលថវិកាជាតិសរុបមានចំនួន ៤៧២ ០៦៩ ៥៦៦ ២៥៨រៀល (បើធៀប នឹងរយៈពេលដូចគ្នាឆ្នាំ២០២០ ថយចុះ១,៦២%)។ នេះបើយោងតាមរបាយការណ៍របស់ក្រសួងដែនដីនគរូបនីយកម្ម និងសំណង់។
គិតទាំងពន្ធប្រថាប់ត្រាលើការផ្ទេរអចលនទ្រព្យ រួមមាន៖ ចំណូលរបស់រដ្ឋបាលកណ្តាល ចំនួន ១៣ ៦០៣ ២២៩ ៨០១រៀល ក្នុងនោះ។ សេវាសំណង់ទូទៅ ចំនួន ១១ ៥២២ ៧១៣ ៣២៥រៀល។ សេវាសំណង់លើសសន្ទស្សន៍ ចំនួន ២ ០៥០ ០០០ ០០០រៀល។ សេវាព័ត៌មានសុរិយោដីតាមប្រព័ន្ធអេឡិកត្រូនិក ចំនួន ៧ ៩៧១ ៨០០រៀល។ ចំណូលពីការជួលអចលនវត្ថុ ចំនួន២២ ៥៤៤ ៦៧៦រៀល។
ចំណូលរបស់មន្ទីរដ.ន. ស. ស.រាជធានី ខេត្ត ចំនួន ៤៥៨ ៦៦ ៣៣៦ ៤៥៧រៀល ក្នុងនោះ សេវាសុរិយោដី ចំនួន ៦០ ៤៤៥ ៧៨៦ ០៤២រៀល - សេវាសំណង់ទូទៅ ចំនួន ៣២ ៤២៥ ១០៩ ៥០០រៀល។ ពន្ធប្រថាប់ត្រា (អគ្គនាយកដ្ឋានពន្ធដារ) ចំនួន ៣៦៥ ៥៩៥ ៤៤០ ៩១៥រៀល។
ការងារសវនកម្ម បានចុះធ្វើសវនកម្មតាមផែនការប្រចាំឆ្នាំ តាមសវនដ្ឋានទាំងថ្នាក់កណ្តាលនិងថ្នាក់រាជធានី ខេត្ត បានចំនួន៤អង្គភាព រួមមាននៅថ្នាក់កណ្តាលចំនួន២ គឺនៅអគ្គនាយកដ្ឋានរៀបចំដែនដី និង នគរូបនីយកម្ម និងមជ្ឈមណ្ឌលបណ្តុះបណ្តាលវិជ្ជាជីវៈ និងនៅថ្នាក់រាជធានី ខេត្តបានចំនួន២ រួមមាននៅមន្ទីរដ. ន. ស. ស.រាជធានីភ្នំពេញនិងខេត្តកណ្តាល៕