Cct850x100 1
1800px x h300px kh

ចិនរកឃើញកូវីដ-១៩លើ«ផ្លែចេក»កម្ពុជា

សេដ្ឋកិច្ច
/
អ្នកយកព័ត៌មាន:
ស៊ីស៊ីថាមស៍
/

ចិន៖តំបន់ស្វ័យយ័ត ម៉ុងហ្គោលី(Mongolian cuisine)នៃប្រទេសចិន បានរាយការណ៍ថា ផ្លែចេកដែលនាំចូលពីប្រទេសកម្ពុជាត្រូវបានធ្វើតេស្តឃើញវិជ្ជមាន កូវីដ១៩។នេះបើយោងតាមសេចក្តីរាយការណ៍របស់ បណ្តាញព័ត៌មាន China News Service កាលពីថ្ងៃទី២២ខែធ្នូ។

បណ្តាញព័ត៌មានខាងលើ បានដក់ស្រង់របាយការណ៍របស់ តំបន់ស្វ័យយ័ត ម៉ុងហ្គោលីបានផ្សាយថា ៖ មជ្ឈមណ្ឌលគ្រប់គ្រង និងបង្ការជំងឺ តំបន់ Song shan នៃស្រុក Chi feng តំបន់ស្វយ័តម៉ុងហ្គោលីបានធ្វើតេស្តជាប្រចាំថ្ងៃលើវត្ថុសំណាកផ្លែចេក និងការវេចខ្ចប់ខាងក្រៅដែលនាំចូលមកពីប្រទេសកម្ពុជា។ជាលទ្ធផល វត្ថុសំណាកចំនួន២ បានឃើញលទ្ធផលវិជ្ជមាននៃវីរុសកូវីដ-១៩។

បើតាមសេចក្តីរាយការណ៍ដដែលបន្តថា៖ ផ្លែចេកដែលនាំចូលពីកម្ពុជាលើកនេះនៅមិនទាន់បានលក់នៅក្នុងទីផ្សារឡើយ។

គួរបញ្ជាក់ថា នេះជាលើកទី២ហើយដែលអាជ្ញាធរចិន រកឃើញកូវីដ-១៩លើទំនិញដែលនាំចូលប្រទេសចិន ភាគច្រើនជាទំនិញផ្នែកកសិកម្ម។

សារព័ត៌មានមិនអាចទាក់ទងសួរខាងក្រសួងកសិកម្មកម្ពុជាបាននៅឡើយទេ គិតមកដល់ព្រឹកថ្ងៃទី ២៤ ខែធ្នូនេះ។

ប្រទេសចិន គឺជាទីផ្សារដ៏ធំសម្រាប់ទំនិញកសិកម្មរបស់កម្ពុជា ជាពិសេសផ្លែចេកស្រស់។យោងតាមរបាយការណ៍របស់ក្រសួងកសិកម្ម កាលពីថ្ងៃទី ១ ខែតុលា ឆ្នាំ ២០២១ បានបង្ហាញថា ក្នុងរយៈពេល ៩ ខែ ឆ្នាំ ២០២១ នេះ កម្ពុជានាំចេញផ្លែចេកស្រស់មានចំនួន ៣៤៣ ៨១២,៣៤ តោនកើនឡើងចំនួន ៤៦,២០% បើធៀបជាមួយនឹងឆ្នាំ ២០២០ ដោយក្នុងការនាំចេញទៅប្រទេសចិនចំនួន ៣០១៦២៨,៩៩ តោន ប្រទេសវៀតណាមចំនួន ៤១ ១៦៩,៣៥ តោន ប្រទេសជប៉ុនមានចំនួន ៥៣៣,៥២ តោន និង ប្រទេសសិង្ហបុរីមានចំនួន ៤៨០,៤៨ តោន៕

Khcct banner

អត្ថបទទាក់ទង