គូឡាឡាំពួរ៖ ទឹកជំនន់ ដែលបណ្តាលមកពីភ្លៀងធ្លាក់ខ្លាំងនៅក្នុងរដ្ឋជាច្រើននៃឧបទ្វីបម៉ាឡេស៊ីកាលពីចុងសប្តាហ៍ បានលាតត្រដាងការពិត ដែលបណ្តាលមកពីការប្រែប្រួលអាកាសធាតុ។ នេះបើយោងតាមអ្នកជំនាញបរិស្ថានដែលបានសម្ភាសន៍ជាមួយ CNA ។
ជាមួយនឹងព្រឹត្តិការណ៍បែបនេះ ដែលរំពឹងថានឹងកើតឡើងញឹកញាប់ជាងមុននាពេលអនាគត អ្នកជំនាញក៏បានជំរុញឱ្យអាជ្ញាធររៀបចំផែនការគ្រោះមហន្តរាយ និងការលើកកម្ពស់ការអភិវឌ្ឍប្រកបដោយចីរភាព។
អ្នកការពារបរិស្ថាន Renard Siew បាននិយាយថា ទឹកជំនន់ដែលបានវាយប្រហាររដ្ឋជាច្រើនរួមមាន Selangor, Negeri Sembilan, Kelantan, Pahang, Melaka និង Terengganu គឺជាឧទាហរណ៍ច្បាស់លាស់នៃព្រឹត្តិការណ៍អាកាសធាតុ ដែលមិនអាចទាយទុកជាមុនបាន ដែលជាលទ្ធផលនៃការបញ្ចេញកាបូនខ្ពស់។
លោកវេជ្ជបណ្ឌិត Siew ដែលជាទីប្រឹក្សាបម្រែបម្រួលអាកាសធាតុនៃមជ្ឈមណ្ឌលសម្រាប់អភិបាលកិច្ច និងការសិក្សានយោបាយ (Cent-GPS) ដែលជាក្រុមហ៊ុនស្រាវជ្រាវអំពីអាកប្បកិរិយា និងវិទ្យាសាស្ត្រសង្គមមានមូលដ្ឋាននៅប្រទេសម៉ាឡេស៊ីបានពន្យល់ថា «នៅពេលដែលយើងបញ្ចេញកាបូនឌីអុកស៊ីតទៅក្នុងបរិយាកាស តើវាមានអ្វីកើតឡើង? វានឹងបង្កើតឥទ្ធិពលជ្រាបចូលជាសកល ហើយឧស្ម័នផ្ទះកញ្ចក់ចាប់ផ្ដើមចាប់កម្ដៅ ហើយក្រោមលក្ខខណ្ឌក្តៅជាងនេះ បរិយាកាសអាចផ្ទុកចំហាយនិងសំណើមបានច្រើនជាងមុន»។
ទន្ទឹមនឹងនេះ លោកវេជ្ជបណ្ឌិត Siew នៃក្រុមហ៊ុន Cent-GPS បាននិយាយថា ប្រទេសម៉ាឡេស៊ីគួរតែប្រើប្រាស់ឧប្បត្តិហេតុនេះ ជាការលើកទឹកចិត្ត ដើម្បីផ្តោតលើការកាត់បន្ថយការបំភាយឧស្ម័ន ការបញ្ឈប់ការកាប់បំផ្លាញព្រៃឈើ និងបង្កើតការសន្ទនាជាមួយមហាជន។ រដ្ឋាភិបាលត្រូវតែអនុវត្តច្បាប់ស្តីពីការប្រែប្រួលអាកាសធាតុ ដែលនឹងផ្តល់នូវវិធីសាស្រ្តរួមបញ្ចូលគ្នា ចាប់ពីកម្រិតគោលនយោបាយរហូតដល់ការឆ្លើយតបគ្រោះមហន្តរាយ។ វាក៏ជាមធ្យោបាយមួយ ដើម្បីរួមបញ្ចូលតួនាទីរបស់សង្គម និងអង្គការក្រៅរដ្ឋាភិបាលក្នុងការរៀបចំការគាំទ្រសម្រាប់ការឆ្លើយតបគ្រោះមហន្តរាយ៕
.PNG?1713408343)
