Cc time
Cct850x100 1
Sme laon web banner(1800 x 300)

កូវីដ១៩បំលែងថ្មី«អូមីក្រុង» កំពុងរីករាលដាលខ្លាំងនៅអឺរ៉ុប

អន្តរជាតិ
/
អ្នកយកព័ត៌មាន:
លី ម៉ាលីង
/
កូវីដ១៩បំលែងថ្មី«អូមីក្រុង» កំពុងរីករាលដាលខ្លាំងនៅអឺរ៉ុប ប្រភពរូប៖ រ៉យទ័រ

អឺរ៉ុប៖ ទីភ្នាក់ងារសុខភាពសាធារណៈរបស់សហភាពអឺរ៉ុបបាននិយាយថា ៧០% នៃការឆ្លងកូវីដ១៩បំលែងថ្មី«អូមីក្រុង» ដែលត្រូវបានកត់ត្រានៅទូទាំងប្លុក ២៧ ប្រទេស ត្រូវបានគេមើលឃើញថា វីរុសនេះកំពុងរីករាលដាលយ៉ាងឆាប់រហ័សនៅក្នុងទ្វីបអឺរ៉ុប។

នៅក្នុងការវិវឌ្ឍមួយកាលពីថ្ងៃចន្ទ មជ្ឈមណ្ឌលអឺរ៉ុបសម្រាប់ការបង្ការ និងគ្រប់គ្រងជំងឺ (ECDC) បាននិយាយថា ករណីអូមីក្រុង ត្រូវបានបញ្ជាក់ដំបូងក្នុងការធ្វើដំណើរមកសហភាពអឺរ៉ុប ឥឡូវនេះត្រូវបានក្លាយឆ្លងរីករាលដាលនៅក្នុងតំបន់ និង សហគមន៍។

យោងតាមប្រព័ន្ធឃ្លាំមើលអ៊ឺរ៉ុប ករណីនាំចូល ឬទាក់ទងនឹងការធ្វើដំណើរមានចំនួន ១៣% ខណៈដែល ៧០% នៃការឆ្លងដែលត្រូវបានរាយការណ៍ក្នុងរយៈពេល ២៤ ម៉ោងចុងក្រោយនេះ គឺជាករណីក្នុងស្រុក។

ECDC បានកត់សម្គាល់ថា ប្រទេសមួយចំនួនរបស់សហភាពអឺរ៉ុប និងតំបន់សេដ្ឋកិច្ចអឺរ៉ុប (EEA) រួមទាំងបែលហ្ស៊ិក ដាណឺម៉ាក ហ្វាំងឡង់ អេស្បាញ និងអ៊ីស្លង់ កំពុងរាយការណ៍ករណីឆ្លងអូមីក្រុង ដោយគ្មានប្រវត្តិធ្វើដំណើរថ្មីៗនេះ ឬទំនាក់ទំនងផ្ទាល់ជាមួយអ្នកធ្វើដំណើរឡើយ។

ទីភ្នាក់ងារសុខភាពសាធារណៈរបស់សហភាពអឺរ៉ុប បាននិយាយថា ករណីឆ្លងអូមីក្រុងទាំងអស់ដែលបានចុះបញ្ជីមានរោគសញ្ញា ឬស្រាល តែរហូតមកដល់សព្វថ្ងៃនេះ មិនមានអ្នកស្លាប់ដោយសារ អូមីក្រុង នៅឡើយទេ៕

Khcct banner

អត្ថបទទាក់ទង