ស៊ីរី ៖ ប្រព័ន្ធផ្សព្វផ្សាយរដ្ឋស៊ីរី បានរាយការណ៍ថា កំពង់ផែមួយនៅជិតទីក្រុង Latakia ប្រទេសស៊ីរី ត្រូវបានគេកំណត់គោលដៅក្នុងការវាយឆ្មក់តាមអាកាសរបស់អ៊ីស្រាអែល ជាមួយនឹងរូបថតដែលមិនមានការបញ្ជាក់អំពីកន្លែងកើតហេតុដែលបង្ហាញពីការផ្ទុះនិងឆេះដ៏សន្ធោសន្ធៅមួយនៅឆ្នេរសមុទ្រមេឌីទែរ៉ាណេ។
យោងតាមទីភ្នាក់ងារព័ត៌មានអារ៉ាប់ស៊ីរី (SANA) បានឱ្យដឹងថា គ្រាប់បែកបានធ្លាក់លើទីក្រុងកំពង់ផែ Latakia ដ៏សំខាន់របស់ប្រទេសនេះ នៅព្រឹកព្រលឹមថ្ងៃអង្គារនេះ បើយោងតាមទីភ្នាក់ងារសារព័ត៌មានស៊ីរី (SANA) បានបន្ថែមថា ការបំផ្ទុះត្រូវបានគេឮនៅក្នុងតំបន់ជុំវិញកំពង់ផែ ខណៈគេហៅការវាយប្រហារនេះថា ជាការឈ្លានពានតាមអាកាសរបស់អ៊ីស្រាអែល។
ប្រភពយោធាដែលមិនបញ្ចេញឈ្មោះបានប្រាប់ SANA ថា សត្រូវរបស់អ៊ីស្រាអែលបានធ្វើការឈ្លានពានតាមអាកាសជាមួយនឹងមីស៊ីលជាច្រើនពីទិសដៅនៃសមុទ្រមេឌីទែរ៉ាណេ ភាគនិរតីនៃទីក្រុង Latakia សំដៅលើទីធ្លាកុងតឺន័រនៅក្នុងកំពង់ផែពាណិជ្ជកម្ម Latakia ។
វីដេអូដែលបានចែករំលែកនៅលើប្រព័ន្ធផ្សព្វផ្សាយសង្គមដែលត្រូវបានចោទប្រកាន់ថាបង្ហាញពីការវាយឆ្មក់តាមអាកាសដែលកំពុងដំណើរការ ខណៈដែលរូបភាពក៏ត្រូវបានចោទប្រកាន់ថាបង្ហាញពីភ្លើងដែលបានឆាបឆេះនៅកន្លែងផ្ទុកទំនិញនៅកំពង់ផែ។
ការការពារដែនអាកាសស៊ីរីក៏ត្រូវបានគេរាយការណ៍ថា បានធ្វើសកម្មភាពក្នុងការឆ្លើយតប ទោះបីវាមិនច្បាស់ថា មានមីស៊ីលណាមួយត្រូវបានស្ទាក់ចាប់ក៏ដោយ។
កងកម្លាំងការពារអ៊ីស្រាអែល (IDF) កម្រទទួលស្គាល់ប្រតិបត្តិការផ្លូវអាកាសលើប្រទេសស៊ីរី ហើយមិនទាន់បានបញ្ជាក់ពីរបាយការណ៍នេះទេ ទោះបីជាមន្ត្រីនៅទីក្រុង Tel Aviv បានកត់សម្គាល់ពីមុនថា ការវាយប្រហារស្រដៀងគ្នានេះ "រាប់រយ" ត្រូវបានធ្វើឡើងពេញមួយទសវត្សរ៍របស់ប្រទេសស៊ីរីជាមួយក្រុមឧទ្ទាមអ៊ីស្លាមក៏ដោយ៕
