Cc time
Cct850x100 1
Sme laon web banner(1800 x 300)

អឺរ៉ុបព្យាករណ៍ថាវីរុសកូវីដ១៩បំប្លែងថ្មី«អូមីក្រុង»នឹងឆ្លងច្រើនជាង«ដែលតា»

អន្តរជាតិ
/
អ្នកយកព័ត៌មាន:
លី ម៉ាលីង
/
អឺរ៉ុប់ព្យាករណ៍ថាវីរុសកូវីដ១៩បំប្លែងថ្មី«អូមីក្រុង»នឹងឆ្លងច្រើនជាង«ដែលតា» ប្រភពរូប៖ រ៉យទ័រ

EU ៖ ភ្នាក់ងារសុខភាពរបស់សហភាពអឺរ៉ុបបាននិយាយថា វីរុសកូវីដ១៩បំប្លែងថ្មី«អូមីក្រុង» ត្រូវបានគេរំពឹងថា នឹងឆ្លងច្រើនជាងវីរុសកូវីដ១៩បំប្លែង ដែលតា នាពេលបច្ចុប្បន្ន ហើយបណ្តាលឱ្យមានជាងពាក់កណ្តាលនៃករណី Covid-19 ទាំងអស់នៅក្នុងរយៈពេលប៉ុន្មានខែខាងមុខនេះ" ។

ការវាយតម្លៃហានិភ័យដំបូងនៃ វីរុសកូវីដ១៩បំប្លែងថ្មី«អូមីក្រុង» ដែលជាវីរុសព្រួយបារម្ភ (VOC) ត្រូវបានចេញផ្សាយដោយមជ្ឈមណ្ឌលអឺរ៉ុបសម្រាប់ការបង្ការ និងគ្រប់គ្រងជំងឺ (ECDC) កាលពីថ្ងៃព្រហស្បតិ៍។ មេរោគថ្មីនេះត្រូវបានគេរំពឹងថា នឹងរីករាលដាលយ៉ាងឆាប់រហ័សនៅទូទាំងប្លុកនេះ ក្នុងប៉ុន្មានខែខាងមុខ ដោយអាចមានករណីឆ្លងលើសពីកូវិដបំលែង Delta ។

ភ័ស្តុតាងបច្ចុប្បន្នស្តីពី ការឆ្លង ភាពធ្ងន់ធ្ងរ និងការរត់គេចពីភាពស៊ាំ គឺមិនប្រាកដប្រជាសម្រាប់ វីរុសកូវីដ១៩បំប្លែងថ្មី«អូមីក្រុង»ទេ។ ទោះបីជាយ៉ាងណាក៏ដោយ ទិន្នន័យបឋមពីអាហ្រ្វិកខាងត្បូង បង្ហាញថា វាអាចឆ្លងច្រើនលើសលប់ជាងវីរុស Delta ដោយយ៉ាងហោចណាស់មានករណីឆ្លងជាងពាក់កណ្ដាល់នៃករណីឆ្លងទាំងអស់ ក្នុងរយៈពេលប៉ុន្មានខែខាងមុខនេះ។ នេះបើតាមអ្នកឃ្លាំមើលបានបញ្ជាក់។

វីរុសកូវីដ១៩បំប្លែងថ្មី«អូមីក្រុង» ត្រូវបានកំណត់ថាជាវីរុសព្រួយបារម្ភ ដោយអង្គការសុខភាពពិភពលោក (WHO) កាលពីសប្តាហ៍មុន។ វីរុសកូវីដ១៩បំប្លែងថ្មី«អូមីក្រុង» នេះត្រូវបានគេរកឃើញជាលើកដំបូងនៅក្នុងប្រទេស Botswana នៅដើមខែវិច្ឆិកា ហើយត្រូវបានគេជឿថា បានក្លាយវីរុសមានការរីករាលដាលខ្លាំងរួចទៅហើយនៅអាហ្វ្រិកខាងត្បូង។

ខណៈពេលដែលគេមិនទាន់ដឹងអំពីលក្ខណៈ និងផលប៉ះពាល់ដែលអាចកើតមានរបស់វានៅឡើយ។ វីរុសកូវីដ១៩បំប្លែងថ្មី«អូមីក្រុង» ត្រូវបានគេដាក់ថា ជាវីរុសដែលមានទម្រង់ប្រែប្រួលខ្លាំង ដោយអ្នកជំនាញបានព្រមានថា វាហាក់ដូចជាមានការសម្របខ្លួនបានល្អដើម្បីធ្វើអន្តរកម្មជាមួយកោសិកាមនុស្ស។

សូមបញ្ជាក់ថា វីរុសកូវីដ១៩បំប្លែងថ្មី«អូមីក្រុង» នេះបានរីករាលដាលដល់ប្រទេសជាង ២០ ជុំវិញពិភពលោក រួមទាំងប្រទេស សហភាពអឺរ៉ុប និងសហរដ្ឋអាមេរិកផងដែរ។ ការលេចឡើងនៃ វីរុសកូវីដ១៩បំប្លែងថ្មី«អូមីក្រុង» បានជំរុញឱ្យមានការរឹតបន្តឹងថ្មី រួមទាំងការហាមប្រាមការធ្វើដំណើរពីតំបន់ក្តៅ ដែលបានដាក់ចេញដោយប្រទេសជាច្រើននៅទូទាំងពិភពលោក រួមទាំងសមាជិកសហភាពអឺរ៉ុបទាំង ២៧ ក៏ដូចជាសហរដ្ឋអាមេរិក និងចក្រភពអង់គ្លេសផងដែរ៕

Khcct banner

អត្ថបទទាក់ទង