ភ្នំពេញ៖ ក្នុងត្រីមាសទី១ ឆ្នាំ២០២០នេះ នាយកដ្ឋានអន្តោប្រវេសន៍ បានបណ្តេញជនបរទេសចេញពីកម្ពុជា សរុបចំនួន ១១៥លើក ក្នុងនោះមាន ៣៣៩នាក់ ស្រី ២៧នាក់ មាន ៣៤សញ្ជាតិ (២៥បទល្មើស)។នេះបើយោងតាមរបាយការណ៍របស់អគ្គនាយកនៃអគ្គនាយកដ្ឋានអន្តោប្រវេសន៍។
ក្នុងរបាយការណ៍បានបញ្ជាក់ថា “ក្នុងត្រីមាសទី១ ឆ្នាំ២០២០នេះ នាយកដ្ឋានអន្តោប្រវេសន៍ បានបណ្តេញជនបរទេសចេញពីកម្ពុជា សរុបចំនួន ១១៥លើក ក្នុងនោះមាន ៣៣៩នាក់ ស្រី ២៧នាក់ មាន ៣៤សញ្ជាតិ (២៥បទល្មើស)។ បន្ទាប់ពីនេះ នាយកដ្ឋាន ស៊ើបអង្កេត និងអនុវត្តនីតិវិធី មានកន្លែងត្រៀមបណ្តេញចេញចំនួន ០៣កន្លែង គឺ មណ្ឌលភ្នំពេញ មណ្ឌលសៀមរាប និងមណ្ឌលព្រះសីហនុ បន្ថែមទៀត”។
គួរបញ្ជាក់ថា លោក គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ បានចូលរួមកិច្ចប្រជុំ នៅនាយកដ្ឋានស៊ើបអង្កេត និងអនុវត្តនីតិវិធី នៅព្រឹកថ្ងៃទី២៨ ខែមេសា ឆ្នាំ ២០២០ ក្នុងកិច្ចប្រជុំនេះ លោក គៀត ច័ន្ទថារិទ្ធ បានឲ្យប្រធានការិយាល័យរៀបរាប់ពីការងារប្រចាំថ្ងៃ របស់ខ្លួន និងបានណែនាំឲ្យការិយាល័យ នីមួយៗ ពង្រឹងតួនាទីភារកិច្ចរបស់ខ្លួនឲ្យបានល្អ ហើយរៀបចំធ្វើរបាយការណ៍មកប្រធាននាយកដ្ឋានជារៀងរាល់សប្តាហ៍៕
