ករណីឆ្លងកូវីដ១៩ថ្មី«អូមីក្រុង»បានទៅដល់អាមេរិកខាងជើង

អាមេរិក៖ ករណីឆ្លងចំនួនពីរនៃកូវីដបំលែងថ្មី «អូមីក្រុង» ត្រូវបានបញ្ជាក់នៅក្នុងប្រទេសកាណាដា ខណៈប្រធានាធិបតីអាមេរិក កំពុងថ្លឹងថ្លែងពីការឆ្លើយតបរបស់សហរដ្ឋអាមេរិកចំពោះ Covid-19 ថ្មីនេះ បើទោះបីជាវានៅតែមិនច្បាស់ថា តើវីរុសថ្មីនេះមានគ្រោះថ្នាក់ជាងកូវីដបំលែងផ្សេងទៀតក៏ដោយ។

រដ្ឋាភិបាលខេត្ត Ontario បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ករណីចំនួនឆ្លងចំនួនពីរនៃ អូមីក្រុង COVID-19 បានរកឃើញនៅក្នុង ខេត្ត Ontario និង Ottawa ដែលត្រូវបានបញ្ជាក់នៅក្នុងបុគ្គលដែលធ្វើដំណើរថ្មីៗពីប្រទេសនីហ្សេរីយ៉ា។

ប្រទេសកាណាដា បានហាមឃាត់ការហោះហើរ និងបិទព្រំដែនរបស់ខ្លួនចំពោះអ្នកដំណើរបរទេសដែលបានទៅលេងប្រទេសអាហ្វ្រិកខាងត្បូងចំនួនប្រាំពីរក្នុងរយៈពេលពីរសប្តាហ៍កន្លងមកនេះ ប៉ុន្តែមន្ត្រីសុខាភិបាល បានអំពាវនាវឱ្យមានវិធីសាស្រ្តដ៏តឹងរ៉ឹងដើម្បីទប់ស្កាត់ជំងឺនេះ។

សហរដ្ឋអាមេរិក បានបញ្ឈប់ការហាមឃាត់ជើងហោះហើរពីទ្វីបអាហ្រ្វិក ហើយបានរារាំងជនបរទេសដែលបានទៅទីនោះក្នុងរយៈពេល ១៤ ថ្ងៃចុងក្រោយនេះ។ លោកប្រធានាធិបតី Biden បានជួបជាមួយលោក Fauci ដោយផ្ទាល់កាលពីថ្ងៃអាទិត្យ ដើម្បីរៀបចំបច្ចុប្បន្នភាពស្តីពីការឆ្លើយតបប្រឆាំងនឹងជំងឺរាតត្បាតរបស់រដ្ឋបាលរបស់លោក ដែលរំពឹងថានឹងត្រូវបានប្រកាសនៅថ្ងៃចន្ទ។

ក្នុងពេលជាមួយគ្នានេះ អាជ្ញាធរម៉ិកស៊ិកបានហៅការរឹតបន្តឹងការធ្វើដំណើរ និងការបិទព្រំដែនថា "វាមិនមែនជាវិធានការមានប្រយោជន៍ខ្លាំងទេ" ដោយវិធានការបែបនេះ អាចប៉ះពាល់ដល់សេដ្ឋកិច្ច និងសុខុមាលភាពរបស់មនុស្ស" ច្រើនជាងពួកគេជួយទប់ស្កាត់ការរីករាលដាលនៃមេរោគនេះ។

អង្គការសុខភាពពិភពលោកក៏បានព្រមានប្រទេសនានាប្រឆាំងនឹងការបិទព្រំដែន និងការរឹតបន្តឹង ដើម្បីការពារវីរុសអូមីក្រុង ដែលធ្វើឲ្យមាន "បន្ទុកធ្ងន់លើជីវិត និងជីវភាពរស់នៅ"៕