(សៀមរាប)៖ វិបត្តិនៃការរីករាលដាលជំងឺកូវីដ-១៩ បានធ្វើឱ្យវិស័យទេសចរណ៍នៅកម្ពុជារងផលប៉ះពាល់យ៉ាងខ្លាំង ភ្ញៀវទេសចរអន្តរជាតិក៏មិនអាចដើរចេញទស្សនាក្រៅប្រទេសបាន រីឯភ្ញៀវទេសចរជាតិក៏ស្ថិតនៅក្នុងផ្ទះមិនសូវដើរចេញក្រៅប៉ុន្មានឡើយ ធ្វើឱ្យរមណីយដ្ឋានទេសចរណ៍នានាជួបនូវភាពខ្សត់វត្តមានភ្ញៀវទេសចរ ក្នុងនោះសៀមរាប-អង្គរក៏មិនខុសគ្នាដែរ។
ប៉ុន្តែការផ្លាស់ប្ដូរនូវមធ្យោបាយទេសចរណ៍ថ្មីមួយក៏បានលេចឡើងនៅអង្គរ-សៀមរាប ដោយគេឃើញមានប្រជាពលរដ្ឋ និងភ្ញៀវទេសចរភាគច្រើនបាននាំគ្នាជិះកង់ហាត់ប្រាណ ឬរត់ហាត់ប្រាណកម្សាន្តនៅតាមរមណីយដ្ឋានបេតិកភណ្ឌពិភពលោកមួយនេះយ៉ាងពេញនិយម។
អត្ថបទ និងរូបភាព ពីក្រសួងទេសចរណ៍
