តាមការស្ទង់មតិប្រហែល៨៦%នៃអ្នកជំងឺកូវីដ១៩នៅហូជីមិញជាអ្នកធ្លាប់ចាក់វ៉ាក់សាំង

វៀតណាម៖ តាមការស្ទង់មតិដោយនាយកដ្ឋានសុខភាពរបស់ទីក្រុងហូជីមិញ បានរកឃើញថាប្រហែល ៨៦ ភាគរយនៃអ្នកសម្រាកព្យាបាល Covid-19 នៅមន្ទីរពេទ្យនៅទីក្រុងហូជីមិញ ត្រូវបានចាក់វ៉ាក់សាំងយ៉ាងហោចណាស់មួយដូស។

អនុប្រធានមន្ទីរសុខាភិបាលទីក្រុង លោក Nguyen Van Vinh Chau បាននិយាយថា ការស្ទង់មតិបានចាប់ផ្តើមកាលពីថ្ងៃអង្គារនៅមន្ទីរពេទ្យ។ លោកបាននិយាយថាក្នុងចំណោម ១៤ ភាគរយដែលនៅសល់មាន ៩០ ភាគរយគឺជាមនុស្សដែលមានអាយុក្រោម ១៨ ឆ្នាំ ហើយភាគច្រើនត្រូវបានរកឃើញនៅសួនឧស្សាហកម្ម និងតំបន់ធ្វើចត្តាឡីស័កជុំវិញទីក្រុង។

លោកបាននិយាយទៀតថា ការស្ទង់មតិក្នុងខែតុលានៅមន្ទីរពេទ្យហូជីមិញ( HCMC) សម្រាប់អ្នកជំងឺកូវីដ១៩ ចំនួន ៣៤៩ បានរកឃើញថា ៥៥ ភាគរយមានរោគសញ្ញាធ្ងន់ធ្ងរ ប៉ុន្តែមានតែ 40 ភាគរយប៉ុណ្ណោះនៃអ្នកទទួលវ៉ាក់សាំងមានរោគសញ្ញាធ្ងន់ធ្ងរ ផ្ទុយទៅនឹង ៧៤ ភាគរយនៅក្នុងក្រុមដែលមិនបានចាក់វ៉ាក់សាំង។

លោកបាននិយាយថា ទោះបីជាការស្ទង់មតិមានលក្ខណៈតូចតាច និងមិនឆ្លុះបញ្ចាំងពីស្ថានភាពជំងឺកូវីដ-១៩ ទាំងមូលក៏ដោយ ក៏ពួកគេបញ្ជាក់ការសន្និដ្ឋានដែលសម្រេចបានដោយអ្នកជំនាញសុខភាពសកលលោកថា «បុគ្គលដែលបានចាក់វ៉ាក់សាំងពេញលេញ មានការការពារកាន់តែច្រើនក្នុងប្រឆាំងនឹង Covid-19 និងកាត់បន្ថយឱកាសនៃការមានរោគសញ្ញាធ្ងន់ធ្ងរ»។

យោងតាមទិន្នន័យពីមជ្ឈមណ្ឌលគ្រប់គ្រងជំងឺរបស់ HCMC ក្នុងរយៈពេលពីរសប្តាហ៍ចុងក្រោយនេះ បានបង្ហាញថា ករណីថ្មី និងអត្រាចូលមន្ទីរពេទ្យកំពុងកើនឡើងនៅក្នុងទីក្រុងភាគខាងត្បូង។ ការកើនឡើងនៃករណីសម្រាកព្យាបាលនៅមន្ទីរពេទ្យអាចបណ្តាលមកពីកត្តាជាច្រើន រួមទាំងតំបន់ធ្វើចត្តាឡីស័កតិចជាងមុន។

លោក Pham Duc Hai អនុប្រធានគណៈកម្មាធិការដឹកនាំ HCMC សម្រាប់ការការពារ និងត្រួតពិនិត្យ Covid-19 បាននិយាយថា ការកើនឡើងនៃចំនួនអ្នកឆ្លង ការចូលមន្ទីរពេទ្យ និងការស្លាប់ គឺជាសញ្ញាមួយដែលថាស្ថានភាពឆ្លងនៅតែវិវត្តន៍នៅក្នុងទីក្រុងហូជីមិញ៕