Cct850x100 1
1800px x h300px kh

ចិនហាមឃាត់លើការសាងសង់អគារខ្ពស់ៗក្នុងស្រុក

អន្តរជាតិ
/
អ្នកយកព័ត៌មាន:
ស៊ីស៊ីថាមស៍
/
អគារខ្ពស់ៗនៅចិន ប្រភពរូប៖ NBC news

ចិន៖ រដ្ឋាភិបាលចិនបានដាក់កំហិតថ្មីលើការសាងសង់អគារខ្ពស់ក្នុងស្រុក ហើយទីក្រុងដែលមានប្រជាជនរស់នៅអចិន្ត្រៃយ៍តិចជាង ៣ លាននាក់មិនត្រូវបានអនុញ្ញាតឱ្យសាងសង់អគារខ្ពស់ថ្មីលើសពី 250 ម៉ែត្រនោះទេ។

យោងតាមសេចក្តីជូនដំណឹងនៅលើគេហទំព័រផ្លូវការរបស់ក្រសួងលំនៅដ្ឋាន និងអភិវឌ្ឍន៍ទីក្រុងនិងជនបទ ទីក្រុងដែលមានប្រជាជនរស់នៅអចិន្ត្រៃយ៍តិចជាង ៣ លាននាក់ ត្រូវបានរឹតបន្តឹងយ៉ាងតឹងរ៉ឹងចំពោះការសាងសង់អគារខ្ពស់ថ្មីលើសពី 150 ម៉ែត្រ និងមិនត្រូវបានអនុញ្ញាតឱ្យសាងសង់អគារខ្ពស់ថ្មីលើសពី 250 ម៉ែត្រទេ។ ទីក្រុងដែលមានប្រជាជនរស់នៅអចិន្ត្រៃយ៍លើសពី 3 លាននាក់នៅបានរឹតបន្តឹងយ៉ាងតឹងរ៉ឹងចំពោះការសាងសង់អាគារខ្ពស់ថ្មីដែលមានកម្ពស់លើសពី 250 ម៉ែត្រ។

លើសពីនេះ ប្រទេសចិនកំពុងដាក់ចេញនូវលក្ខខណ្ឌតម្រូវការសុវត្ថិភាពកាន់តែខ្ពស់សម្រាប់ការសាងសង់អគារខ្ពស់។ កាលពីដើមខែកក្កដា រដ្ឋាភិបាលចិនបានផ្អាកការសាងសង់អគារខ្ពស់ ដែលមានកំពស់ចាប់ពី៥០០ ម៉ែត្រឡើងលើ។

នៅក្នុងចំណោមអគារខ្ពស់ជាងគេទាំងដប់ក្នុងពិភពលោក មាន៥កន្លែងដែលស្ថិតនៅប្រទេសចិន ដោយអគារនីមួយៗមានកម្ពស់ជាង ៥០០ ម៉ែត្រ។ អគារខ្ពស់ជាងគេក្នុងប្រទេសចិន គឺអគារមជ្ឍមណ្ឌលសៀងហៃដែលមានកំពស់៦៣២ម៉ែត្រ ដែលស្ថិតនៅលំដាប់បន្ទាប់ពីអគារBurj Khalifaនៅឌូបៃ ដែលមានកំពស់៨២៨ម៉ែត្រ។

នៅថ្ងៃទី ១៨ ខែឧសភា អគារSEG ដែលមានកំពស់291 ម៉ែត្រនៅទីក្រុងShenzhenស្រាប់តែរង្គឺ។ មនុស្សប្រហែល ១៥,០០០ នាក់ស្ថិតនៅក្នុងអគារនៅពេលកើតហេតុ ហើយត្រូវបានជម្លៀសចេញជាបន្ទាន់ក្នុងរយៈពេល 90 នាទី៕

Khcct banner

អត្ថបទទាក់ទង