ញូវដែលី៖ ទីភ្នាក់ងារឥណ្ឌាបានរាយការណ៍នៅថ្ងៃព្រហស្បតិ៍នេះថា ឥណ្ឌាបានចាក់វ៉ាក់សាំងការពារកូវីដ -១៩ ចំនួន ១ ពាន់លានដូស ដែលជាព្រឹត្តិការណ៍សំខាន់មួយសម្រាប់ប្រទេសនៅអាស៊ីខាងត្បូងដែលរងការវាយប្រហារដោយកូវីបំលែងខ្លួនថ្មីដែលតា បានជំរុញឱ្យឥណ្ឌាបង្កើតកម្មវិធីចាក់វ៉ាក់សាំងដល់ប្រជាជនខ្លួននៅដើមឆ្នាំនេះ។
ប្រហែល ៧៥% នៃប្រជាជនពេញវ័យដែលមានសិទ្ធិទទួលបានចាក់វ៉ាក់សាំងយ៉ាងតិចមួយដូស ហើយប្រហែល ៣០% ត្រូវបានទទួលបានការចាក់វ៉ាក់សាំងពេញលេញ។ ប្រទេសដែលមានប្រជាជនជិត ១.៤ ពាន់លាននាក់ គឺជាប្រទេសទី ២ ដែលមានវ៉ាក់សាំងចំនួនលើសពីមួយពាន់លានដូស បន្ទាប់ពីប្រទេសចិនដែលមានប្រជាជនច្រើនបំផុត និងបានធ្វើការចាក់វ៉ាក់សាំងនៅក្នុងខែមិថុនា។
ករណីឆ្លងបានធ្លាក់ចុះយ៉ាងគំហុកនៅក្នុងប្រទេសឥណ្ឌា ចាប់តាំងពីដើមឆ្នាំដែលមានចំនួនអ្នកឆ្លងដែលតាដ៏អាក្រក់បំផុត ដែលត្រូវបានរកឃើញដំបូងនៅក្នុងប្រទេសកាលពីមួយឆ្នាំមុន បានឆ្លងដល់មនុស្សរាប់សែននាក់ជារៀងរាល់ថ្ងៃ។
មុននេះឥណ្ឌាបាននិយាយថា ខ្លួនមានបំណងចាក់វ៉ាក់សាំងមនុស្សពេញវ័យ ដែលមានសិទ្ធិទាំងអស់នៅចុងឆ្នាំនេះ ប៉ុន្តែអ្នកជំនាញនិយាយថា ល្បឿននៃការចាក់វ៉ាក់សាំងនាពេលបច្ចុប្បន្ននឹងត្រូវការកើនឡើងដើម្បីសម្រេចបានគោលដៅនេះ។
ប្រទេសឥណ្ឌាដែលជាអ្នកផ្គត់ផ្គង់វ៉ាក់សាំងដ៏សំខាន់នៅទូទាំងពិភពលោក បានបញ្ឈប់ការនាំចេញកាលពីខែមេសា ដោយសារករណីនៅប្រទេសខ្លួនមានការកើនឡើង។ ឥឡូវនេះរដ្ឋាភិបាលមានសុទិដ្ឋិនិយមថា ការផ្គត់ផ្គង់វ៉ាក់សាំងរបស់ប្រទេសដែលមានការកើនឡើងនឹងគ្រប់គ្រាន់ ដើម្បីបំពេញតាមការប្តេជ្ញាចិត្តរបស់អន្តរជាតិនិងក្នុងស្រុក។
កាលពីថ្ងៃពុធប្រទេសឥណ្ឌាបានបញ្ជាក់ពីករណីឆ្លងថ្មីជាង ១៤.០០០ ករណី។ ដែលករណីសកម្មរបស់ប្រទេសមានតិចជាង ១% នៃចំនួនសរុប ធ្វើឲ្យប្រជាជនដែលឆ្លងសុរបឡើងដល់ ៣៤ លានករណីរួមទាំងការស្លាប់ជាង ៤៥០.០០០ នាក់។ នេះបើយោងតាមក្រសួងសុខាភិបាលឥណ្ឌា៕
