Cct850x100 1
1800px x h300px kh

សមាជិកសភាអ៊ីរ៉ង់ថាកិច្ចចរចានុយក្លេអ៊ែរអ៊ីរ៉ង់នឹងចាប់ផ្តើមឡើងវិញនៅថ្ងៃទី២១

អន្តរជាតិ
/
អ្នកយកព័ត៌មាន:
លី ម៉ាលីង
/
កិច្ចចរចានុយក្លេអ៊ែរអ៊ីរ៉ង់នឹងចាប់ផ្តើមឡើងវិញនៅថ្ងៃទី២១ ប្រភពរូប៖​ ស៊ីនហួរ

អ៊ីរ៉ង់៖ សមាជិកសភាអ៊ីរ៉ង់ម្នាក់បានបង្ហើបប្រាប់ប្រព័ន្ធផ្សព្វផ្សាយនៅថ្ងៃទី ១៧ ថា កិច្ចពិភាក្សារវាងភាគីពាក់ព័ន្ធ ក្នុងកិច្ចព្រមព្រៀងដ៏ទូលំទូលាយស្តីពីបញ្ហានុយក្លេអ៊ែរអ៊ីរ៉ង់ នឹងចាប់ផ្តើមឡើងវិញនៅថ្ងៃទី ២១ ខែតុលាខាងមុខនេះ។

សមាជិកសភាលោក Ahmed Ali-Reza Beyguy និងរដ្ឋមន្រ្តីការបរទេសលោក Hussein Amir Abdullahhiyan បានជួបគ្នា ដោយបានប្រាប់ទីភ្នាក់ងារសារព័ត៌មានរបស់អ៊ីរ៉ង់ថា កិច្ចចរចានេះនឹងត្រូវធ្វើឡើងនៅថ្ងៃព្រហស្បតិ៍ទី ២១ ដែលត្រូវបានស្តារឡើងវិញ នៅទីក្រុងព្រុចសែល រដ្ឋធានីប៊ែលហ្សិក។ សមាជិកសភាអ៊ីរ៉ង់លោក Behruz Muhibbi Najmabadi ក៏បានបញ្ជាក់នៅលើបណ្តាញសង្គមផងដែរថាកិច្ចពិភាក្សានឹងចាប់ផ្តើមឡើងវិញនៅសប្តាហ៍នេះ។

តំណាងជាន់ខ្ពស់របស់សហភាពអឺរ៉ុប សម្រាប់គោលនយោបាយការបរទេសនិងសន្តិសុខលោក Josep Borrell Fontelles បានបង្ហាញនៅថ្ងៃទី ១៥ ថា លោកបានត្រៀមខ្លួនរួចជាស្រេច ដើម្បីជួបជាមួយថ្នាក់ដឹកនាំអ៊ីរ៉ង់ នៅទីក្រុងព្រុចសែល ដែលជាទីស្នាក់ការកណ្តាលរបស់សហភាពអឺរ៉ុបដើម្បីបន្តកិច្ចចរចា។

នៅខែកក្កដាឆ្នាំ ២០១៥ អ៊ីរ៉ង់បានឈានដល់កិច្ចព្រមព្រៀងដ៏ទូលំទូលាយមួយស្តីពីបញ្ហានុយក្លេអ៊ែរអ៊ីរ៉ង់ជាមួយសហរដ្ឋអាមេរិក អង់គ្លេស បារាំង រុស្ស៊ី ចិន និងអាល្លឺម៉ង់។ អ៊ីរ៉ង់បានយល់ព្រមរឹតត្បិតកម្មវិធីនុយក្លេអ៊ែររបស់ខ្លួនជាថ្នូរនឹងការដកទណ្ឌកម្មពីសហគមន៍អន្តរជាតិ។ ទោះយ៉ាងណារដ្ឋាភិបាលសហរដ្ឋអាមេរិកភ្លាមៗ បានប្រកាសជាឯកតោភាគីពីការដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់នៅខែឧសភាឆ្នាំ ២០១៨ ដោយស្តារនិងបង្កើនការដាក់ទណ្ឌកម្មលើអ៊ីរ៉ង់ ធ្វើឲ្យអ៊ីរ៉ង់បានផ្អាកជាបណ្តើរៗ នូវការអនុវត្តលក្ខខណ្ឌមួយចំនួននៃកិច្ចព្រមព្រៀងចាប់ពីខែឧសភាឆ្នាំ២០១៩។

បន្ទាប់ពីចូលកាន់តំណែងជាប្រធានាធិបតីអាមេរិក នៅខែមករាឆ្នាំនេះ លោក បៃ ដិន បានសម្តែងថាអាមេរិកមានឆន្ទៈវិលត្រឡប់ទៅរកកិច្ចព្រមព្រៀងក្រោមការសន្មត់ថា អ៊ីរ៉ង់បន្តដំណើរការឡើងវិញ។ ប្រទេសអ៊ីរ៉ង់និងប្រទេសទាំង ៥ ខាងលើ បានចាប់ផ្តើមកិច្ចចរចានៅទីក្រុងវីយែនរដ្ឋធានីអូទ្រីសកាលពីខែមេសាឆ្នាំនេះ ដើម្បីពិភាក្សាពីបញ្ហានៃការស្តារឡើងវិញនៃការអនុវត្តកិច្ចព្រមព្រៀងរវាងអ៊ីរ៉ង់និងសហរដ្ឋអាមេរិក។

សហភាពអឺរ៉ុបបានចូលរួមក្នុងកិច្ចពិភាក្សានេះ ហើយតំណាងអាមេរិកបានពិភាក្សាដោយប្រយោលជាមួយប្រទេសអ៊ីរ៉ង់។ ដោយសារភាពខុសគ្នាដ៏ធំរវាងអ៊ីរ៉ង់និងសហរដ្ឋអាមេរិកនិងការផ្លាស់ប្តូររដ្ឋាភិបាលអ៊ីរ៉ង់ការចរចាត្រូវបានផ្អាកកាលពីខែមិថុនា៕

Khcct banner

អត្ថបទទាក់ទង