ចិន៖ យោងតាមការិយាល័យស្ថិតិជាតិរបស់ប្រទេសចិន បានចេញទិន្នន័យនៅថ្ងៃទី ១៨ នេះថា ការគណនាបឋម ក្នុងរយៈពេល៩ខែដំបូងនៃឆ្នាំ ២០២១ ផលិតផលក្នុងស្រុកសរុបរបស់ចិន មានចំនួន ៨២.៣១៣.១០០លាន យ័ន ដែលកើនឡើង ៩.៨% បើធៀបនឹងរយៈពេលដូចគ្នាក្នុង ឆ្នាំ ២០២០។
អត្រាកំណើនជាមធ្យមពីរឆ្នាំគឺ ៥.២% ក្នុងនោះត្រីមាសទី ៣ កើនឡើង ៤.៩% ហើយអត្រាកំណើនជាមធ្យមក្នុងរយៈ ២ ឆ្នាំមាន ៤.៩%។
ដោយសារផលប៉ះពាល់ជាច្រើន ដូចជាស្ថានភាពនៃជំងឺកូវីដ-១៩ និងទឹកជំនន់ ធ្វើឲ្យអត្រាកំណើនសេដ្ឋកិច្ចចិនក្នុងត្រីមាសទី ៣ មានកំណើនយឺត ទោះយ៉ាងណាក៏ដោយស្ថិរភាពក្នុងរង្វង់សេដ្ឋកិច្ចបានបង្ហាញពីការងើបឡើងវិញ៕