ភ្នំពេញ៖ ទុនវិនិយោគក្នុងវិស័យរ៉ែ ដែលបានចុះបញ្ជីទាំងអ្នកវិនិយោគក្នុងស្រុក និង បរទេស គិតត្រឹមឆ្នាំ ២០១៩ មាន១១៥៧,៧៣ លានដុល្លារ។ក្នុងនោះទុនវិនិយោគផ្នែកស្វែងរុករកមាន ១០៧,១៦ លានដុល្លារ ផ្នែករ៉ែសំណង់មាន ៧៥,២៨ លានដុល្លារ ផ្នែករ៉ែលោហៈ មាន ១៥៨,៣៨លានដុល្លារ និង រ៉ែអលោហៈមាន ៨១៦,៩៣លានដុល្លារ។នេះបើតាមរបាយការណ៍របស់ក្រសួងរ៉ែ និងថាមពល។
ក្រៅពីចំណូលសារពើពន្ធ ដែលអគ្គនាយកដ្ឋានពន្ធដារប្រមូលបានពីក្រុមហ៊ុន ប្រកបរបរអាជីវកម្មធនធានរ៉ែ ចំណូលមិនមែនសារពើពន្ធពីវិស័យរ៉ែដែលក្រសួងរ៉ែ និងថាមពលប្រមូលបានប្រចាំឆ្នាំ ២០១៩ មានចំនួន ៨៥,៩៨៣ លានរៀល ដែលមានកំណើនស្មើនឹងប្រមាណ ១៨ ភាគរយធៀបនឹងឆ្នាំ ២០១៨៕
