ប្រទេសថៃ៖ ក្រុមហ៊ុន AstraZeneca នៅថ្ងៃពុធ នេះចុះកិច្ចព្រមព្រៀងផ្គត់ផ្គង់វ៉ាក់សាំងការពារជំងឺកូវីដ ១៩ ចំនួន ៦០ លានដូសបន្ថែមដល់ប្រទេសថៃនៅឆ្នាំ ២០២២ ។
បើតាមការចុះផ្សាយរបស់ការសែតក្នុងស្រុកថៃ បានឱ្យដឹងថា ក្រោមកិច្ចព្រមព្រៀងដែលបានចុះហត្ថលេខាជាមួយរដ្ឋាភិបាលថៃ ក្រុមហ៊ុន AstraZeneca នឹងផ្គត់ផ្គង់វ៉ាក់សាំងចំនួន ៦០ លានដូសនៅចុងត្រីមាសទី ៣ ឆ្នាំក្រោយ។
ចំណែកខាងក្រុមហ៊ុន AstraZeneca បានបញ្ជាក់ថា កិច្ចព្រមព្រៀងដែលមានស្រាប់របស់ខ្លួន ដើម្បីផ្គត់ផ្គង់វ៉ាក់សាំងចំនួន ៦១ លានដូសនៅចុងឆ្នាំ ២០២១ នៅតែដំណើរការធម្មតា។
លោក James Teague ប្រធានក្រុមហ៊ុន AstraZeneca (ថៃ) បានមានប្រសាសន៍ថា៖« កិច្ចព្រមព្រៀងផ្គត់ផ្គង់ឆ្នាំ ២០២២ គឺជាព្រឹត្តិការណ៍សំខាន់មួយនៅក្នុងការគាំទ្ររបស់យើងចំពោះរដ្ឋាភិបាលថៃដើម្បីជួយការពារប្រទេសថៃប្រឆាំងនឹង Covid-19 និងធ្វើឱ្យករណីឆ្លងដែលកំពុងកើនឡើងកំពុងស្ថិតក្រោមការគ្រប់គ្រង»។
សូមជម្រាបជូនថា កិច្ចព្រមព្រៀងថ្មីនេះអនុញ្ញាតឱ្យរដ្ឋាភិបាលប្តូរទៅប្រើវ៉ាក់សាំង AZD2816 របស់ក្រុមហ៊ុន AstraZeneca ប្រសិនបើមានការយល់ព្រមពីនិយ័តករថៃ។
ទន្ទឹមនឹងនេះ វ៉ាក់សាំង AZD2816 ផ្តោតលើវ៉ារ្យ៉ង់វ៉ាក់សាំងប្រឆាំងមេរោគ Delta ដែលជាប្រភេទលេចធ្លោនៅក្នុងប្រទេសថៃ ហើយបច្ចុប្បន្នកំពុងស្ថិតក្នុងការសាកល្បងដំណាក់កាលទី ២/៣ ។ ក្រុមហ៊ុន AstraZeneca បាននិយាយថាខ្លួននឹងបញ្ជាក់ពីពេលវេលានៃការដឹកជញ្ជូននៅពេលក្រោយ៕
