Cct850x100 1
1800px x h300px kh

យោធាកូរ៉េខាងត្បូងថាកូរ៉េខាងជើងបានបាញ់ផ្លោងវត្ថុដែល«មិនស្គាល់អត្តសញ្ញាណ»

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ The Times of Israel

កូរ៉េខាងត្បូង៖ ទីស្នាក់ការកណ្តាលបុគ្គលិកកូរ៉េខាងត្បូងបាននិយាយនៅថ្ងៃទី ២៨ ថា កូរ៉េខាងជើងបានបាញ់ផ្លោងវត្ងុមួយដែល«មិនស្គាល់អត្តសញ្ញាណ»ពីតំបន់ដីគោកឆ្ពោះទៅខាងកើតនៅវេលាម៉ោង ៦ ៖ ៤០ នាទីព្រឹក។

ទីភ្នាក់ងារស៊ើបការណ៍សម្ងាត់របស់កូរ៉េខាងត្បូងនិងសហរដ្ឋអាមេរិកកំពុងធ្វើការវិភាគយ៉ាងត្រឹមត្រូវអំពីព័ត៌មានបន្ថែមអំពីការបាញ់នេះ។ បច្ចុប្បន្នកូរ៉េខាងត្បូងនិងសហរដ្ឋអាមេរិក រក្សាកិច្ចសហប្រតិបត្តិការយ៉ាងជិតស្និទ្ធក្នុងរឿងនេះ។ យោធាកូរ៉េខាងត្បូងកំពុងតាមដានយ៉ាងដិតដល់នូវនិន្នាការពាក់ព័ន្ធ និងរក្សាការឆ្លើយតប។

យោងតាមរបាយការណ៍ប្រព័ន្ធផ្សព្វផ្សាយរបស់ជប៉ុនបាននិយាយនៅថ្ងៃទី ២៨ ថា ប្រទេសកូរ៉េខាងជើង បានបាញ់សាកល្បងមីស៊ីលផ្លោងនៅថ្ងៃនោះ។ “វត្ថុកំពុងហោះ” នេះមិនបានធ្លាក់ចូលក្នុងតំបន់សេដ្ឋកិច្ចផ្តាច់មុខរបស់ជប៉ុនទេ ហើយរដ្ឋាភិបាលមិនបានទទួលរបាយការណ៍ពីការខូចខាតនាវានោះដែរ។

នៅថ្ងៃទី ១៥ ខែនេះ ការិយាល័យកណ្តាលសេនាធិការចម្រុះកូរ៉េខាងត្បូងបានបញ្ជាក់ថា ប្រទេសកូរ៉េខាងជើងបានបាញ់មីស៊ីលផ្លោងចំនួន ២ គ្រាប់ចេញពីតំបន់ដីកណ្តាល ចូលទៅក្នុងដែនទឹកខាងកើតនៃឧបទ្វីបកូរ៉េនារសៀលថ្ងៃនោះ។

យោងតាមរបាយការណ៍របស់ទីភ្នាក់ងារព័ត៌មានកណ្តាលកូរ៉េនៅថ្ងៃទី ១៦ យោធាកូរ៉េខាងជើងបានបាញ់សាកល្បងមីស៊ីលចល័តផ្លូវដែកដោយជោគជ័យនៅថ្ងៃទី ១៥ ដោយអាចបាញ់ចំគោលដៅស្ថិតនៅក្នុងទឹកចម្ងាយ ៨០០ គីឡូម៉ែត្រនៅសមុទ្រខាងកើត៕

Khcct banner

អត្ថបទទាក់ទង