កម្ពុជានឹងមានរោងចក្រផលិតថង់យួរការពារបរិស្ថានក្នុងពេលខាងមុខ

ភ្នំពេញ៖ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុន MULTIWIN TEXTILE (CAMBODIA) CO., LTD តាមសំណើសុំវិនិយោគលើគម្រោងបង្កើតរោងចក្រផលិតថង់យួរគ្រប់ប្រភេទដែលជាថង់យួរការពារបរិស្ថាន។

ក្រុមហ៊ុនផលិតថង់យួរការពារបរិស្ថានខាងលើមានទីតាំងវិនិយោគស្ថិតនៅភូមិចមពល ឃុំពពេល ស្រុកត្រាំកក់ ខេត្តតាកែវ មានទុនវិនិយោគប្រមាណ៤,១លានដុល្លារអាមេរិក និងអាចបង្កើតការងារបានចំនួន ១.០១៣នាក់។