Cct850x100 1
1800px x h300px kh

អូស្រ្តាលីប្រាប់បារាំងថា ការទិញវានាពីអាមេរិកដោយសារគិតប្រយោជន៍ជាតិ

អន្តរជាតិ
/
អ្នកយកព័ត៌មាន:
សុវណ្ណ ស្រីពេជ្រ
/
លោក Scott Morrison នាយករដ្ឋមន្រ្តីអូស្រ្តាលី 
រូបភាព៖ REUTERS 

អូស្រ្តាលី៖ រដ្ឋមន្រ្តីក្រសួងការពារជាតិរបស់អូស្រ្តាលី បានថ្លែងនៅថ្ងៃអាទិត្យនេះថា អូស្រ្តាលី បាននិយាយបើកចំហរដោយស្មោះត្រង់ជាមួយបារាំងអំពីការព្រួយបារម្ភរបស់ខ្លួន ចំពោះកិច្ចព្រមព្រៀងទិញនាវាមុជទឹករបស់បារាំង ខណៈកិច្ចព្រមព្រៀងថ្មីមួយជាមួយសហរដ្ឋអាមេរិក និងអង់គ្លេសនៅតែបន្តជាមួយវិបត្តិការទូតពហុជាតិ។ ការសម្រេចទិញវានាពីអាមេរិកដោយសារតែអូស្រាលីគិតពីប្រយោជន៍ជាតិ។

បើតាមការចុះផ្សាយរបស់រ៉យទ័រ បានឱ្យដឹងថា អូស្រ្តាលីបានច្រានចោលកិច្ចព្រមព្រៀងឆ្នាំ២០១៦ ជាមួយក្រុមហ៊ុនណាវ៉ាល់គ្រុបរបស់បារាំង ដើម្បីបង្កើតនាវាមុជទឹកធម្មតាដោយបានប្រកាសកាលពីថ្ងៃព្រហស្បតិ៍ ថាមានគម្រោងសាងសង់យ៉ាងហោចណាស់ ៨ គ្រឿង ដែលបំពាក់ដោយថាមពលនុយក្លេអ៊ែរជាមួយបច្ចេកវិទ្យាអាមេរិកនិងអង់គ្លេសក្នុងភាពជាដៃគូសន្តិសុខត្រីភាគី។

ការកែប្រែនេះ បានធ្វើឱ្យបារាំងខឹងសម្បារដែលជាសម្ព័ន្ធមិត្តណាតូ របស់សហរដ្ឋអាមេរិកនិងចក្រភពអង់គ្លេស ដែលជំរុញឱ្យប្រទេសនេះកោះហៅឯកអគ្គរដ្ឋទូតរបស់ខ្លួនមកពីទីក្រុងវ៉ាស៊ីនតោន និងទីក្រុងកង់បេរ៉ា ត្រឡប់មកវិញ។ ការណ៍នេះ បានធ្វើឱ្យចិនដែលជាមហាអំណាច កាន់តែឡើងកូដនៅក្នុងតំបន់ឥណ្ឌូប៉ាស៊ីហ្វិក។

ទន្ទឹមនឹងនេះ កិច្ចព្រមព្រៀងនេះបានធ្វើឱ្យទីក្រុងវ៉ាស៊ីនតោនស្ថិតក្នុងវិបត្តិការទូតដែលមិនធ្លាប់មានពីមុនមក ជាមួយប្រទេសបារាំងដែលក្រុមអ្នកវិភាគនិយាយថា អាចធ្វើឱ្យខូចខាតយូរអង្វែងដល់សម្ព័ន្ធភាពអាមេរិកជាមួយបារាំង និងអឺរ៉ុប។

នៅពេលនេះ ប៉ារីសបានហៅការលុបចោលកិច្ចព្រមព្រៀងនេះ ថាជាការចាក់ចំពីក្រោយដោយរដ្ឋមន្ត្រីការបរទេសហ្សង់-អ៊ីវឡឺឌៀអាន បាននិយាយថាទំនាក់ទំនងជាមួយសហរដ្ឋអាមេរិក និងអូស្ត្រាលីកំពុងស្ថិតនៅក្នុងវិបត្តិ។

ប៉ុន្តែរដ្ឋមន្ត្រីក្រសួងការពារជាតិលោក Peter Dutton បាននិយាយកាលពីថ្ងៃអាទិត្យថាអូស្រ្តាលីបានបង្កើនការព្រួយបារម្ភជាមួយប្រទេសបារាំងចំពោះការបញ្ជាទិញនេះដែលមានតម្លៃ ៤០ ពាន់លានដុល្លារនៅឆ្នាំ ២០១៦ ហើយត្រូវបានគេគិតគូរថាមានតម្លៃថ្លៃជាងសព្វថ្ងៃនេះក្នុងរយៈពេលពីរបីឆ្នាំ។

ចំណែកនាយករដ្ឋមន្រ្តីស្កុតម៉ូរីសុន បាននិយាយនៅថ្ងៃសុក្រនេះថាគាត់បានសម្តែងនូវក្តីកង្វល់យ៉ាងខ្លាំងអំពីកិច្ចព្រមព្រៀងនេះជាមួយប្រធានាធិបតីបារាំងអេម៉ានុយអែលម៉ាក្រុងកាលពីខែមិថុនាហើយបានបញ្ជាក់យ៉ាងច្បាស់ថាអូស្រ្តាលីនឹងត្រូវការការសម្រេចចិត្តលើផលប្រយោជន៍ជាតិ។

ពាក្យទាក់ទង: អូស្រ្តាលី
Khcct banner

អត្ថបទទាក់ទង