ចិន៖ បុរសជនជាតិចិនអាយុ៣៩ឆ្នាំម្នាក់ធ្វើដំណើរពីប្រទេសកម្ពុជានៅ១០ខែមេសា ទៅដល់ប្រទេសចិនរួចត្រូវបានរកឃើញវិជ្ជមានវីរុសកូវីដ១៩។
យោងតាមរបាយការណ៏របស់គណៈកម្មាការសុខភាពក្រុងសិនជិនប្រទេសចិន បានចេញផ្សាយនៅថ្ងៃនេះបានអោយដឹងថា កាលពីថ្ងៃទី១០ខែមេសាកន្លងទៅបុរសជនជាតិចិនម្នាក់នេះបានធ្វើដំណើរពីទីក្រុងភ្នំពេញទៅកាន់ទីក្រុងក្វាងចូវប្រទេសចិន តាមជើងយន្តហោះLQ908។
នៅថ្ងៃទី១១ ខែមេសា រូបគេត្រូវបានផ្ទេរពីទីក្រុងក្វាងចូវទៅកាន់ទីក្រុងសិន ជិន ដោយដាក់នៅដាច់ដោយឡែកពីគេ។នៅថ្ងៃទី១២ខែមេសា លទ្ធផលបានបញ្ជាក់ថា បុរសចិនម្នាក់នេះវិជ្ជមានវីរុស កូវីដ១៩។បច្ចុប្បន្ននេះ បុរសនេះបានផ្ទេរទៅកាន់មន្ទីរពេទ្យធ្វើការព្យាបាលដាច់ដោយឡែកពីគេ។អ្នកដែលប៉ះពាល់ជាមួយជនជាតិចិនខាងលើ គឺជាមនុស្សមួយចំនួនដែលរួមដំណើរតាមជើងយន្តហោះខាងលើ៕