Cct850x100 1
1800px x h300px kh

រថយន្តដឹកលុយបុកគ្នា«ខ្ទាតលុយពេញលើផ្លូវ»តែគ្មានមនុស្សណាម្នាក់ហ៊ានរើស

ចិន
/
អ្នកយកព័ត៌មាន:
ស៊ីស៊ីថាមស៍
/
 រថយន្តដឹកលុយ

ចិន៖ រថយន្តដឹកលុយមួយគ្រឿង នៅថ្ងៃទី ៨ កញ្ញានេះ បានបុកជាមួយរថយន្តធុនធំមួយគ្រឿងនៅក្នុងទីក្រុងយីស៊ីងខេត្តជាំងស៊ូប្រទេសចិនបណ្តាលឱ្យមនុស្ស ២ នាក់ស្លាប់និង ៤នាក់ទៀតរងរបួស ខណៈដែលក្រដាសប្រាក់មួយចំនួនធំបានខ្ចាត់ខ្ចាយចេញពីរថយន្ត រាយប៉ាយពេញលើផ្លូវ ប៉ុន្តែគ្មានអ្នកដំណើរណាម្នាក់ហ៊ានរើសលុយនោះទេ។

សាក្សីដែលបានឃើញនៅក្នុងហេតុការណ៍ បានអះអាងថា នៅកន្លែងកើតហេតុមានលុយមួយចំនួនធំដែលដឹកនៅក្នុងរថយន្តនោះ បានខ្ទាតចេញក្រៅ ហើយរាយប៉ាយគ្រប់កន្លែង។ប៉ុន្តែទោះបីជាមានមនុស្សជាច្រើនបានឈរមើលនៅកន្លែងកើតហេតុ គេមិនឃើញមានភាពច្របូកច្របល់ ឬមាននណារម្នាក់ហ៊ានលូកដៃទៅរើសលុយនោះទេ។

ការិយាល័យសន្តិសុខសាធារណៈទីក្រុងអ៊ីស៊ីង បានបញ្ជាក់ថា អ្នករងរបួសត្រូវបានបញ្ជូនទៅមន្ទីរពេទ្យដើម្បីព្យាបាល ប៉ូលីសកំពុងស៊ើបអង្កេតចំពោះហេតុការនេះ៕

Khcct banner

អត្ថបទទាក់ទង