Cct850x100 1
1800px x h300px kh

ជប៉ុនមានបំណងប្តូរស្ថានទូតរបស់ខ្លួនពីអាហ្វហ្គានីស្ថានទៅកាតា

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ សារព័ត៌មានស៊ីនហួរ

ជប៉ុន៖ ប្រទេសជប៉ុននៅថ្ងៃទី ៣១ ខែសីហា បានប្រកាសពីបំណងចង់ផ្លាស់ប្តូរស្ថានទូតរបស់ខ្លួននៅអាហ្វហ្គានីស្ថានទៅកាន់ទីក្រុងដូហារដ្ឋធានីនៃប្រទេសកាតា។ បំណងនេះដោយសារជប៉ុនមានសុទិដ្ឋិនិយមថា កាតានឹងដើរតួយ៉ាងសំខាន់ក្នុងកិច្ចការអាហ្វហ្គានីស្ថាននាពេលអនាគត។

លោក Mammoth Michiko រដ្ឋមន្រ្តីក្រសួងការបរទេសជប៉ុន បានប្រាប់សន្និសីទសារព័ត៌មានមួយថា ដោយសារទីក្រុងដូហាមានសារៈសំខាន់ដែលនឹងក្លាយជាចំណុចបង្គោល ជប៉ុននឹងផ្លាស់ស្ថានទូតនៅអាហ្វហ្គានីស្ថានទៅកាតាវិញ ខណៈឯកអគ្គរដ្ឋទូតនឹងផ្លាស់ទៅទីតាំងបណ្តោះអាសន្ននេះ។

បន្ទាប់ពីក្រុមតាលីបង់បានចូលនិងកាន់កាប់រដ្ឋធានីកាប៊ុលរបស់អាហ្វហ្គានីស្ថាននៅថ្ងៃទី ១៥ ខែសីហាស្ថានទូតជប៉ុននៅអាហ្វហ្គានីស្ថានត្រូវបានបិទ ហើយក្រោយមកជប៉ុនបានបង្កើតការិយាល័យបណ្តោះអាសន្នមួយនៅអ៊ីស្តង់ប៊ុល ដែលជាទីក្រុងធំបំផុតរបស់ទួរគី។

លោក Mammoth Michiko បានធ្វើទស្សនកិច្ចនៅបណ្តាប្រទេសនៅមជ្ឈឹមបូព៌ាកាលពីដើមខែសីហា។ លោកបានប្រាប់អ្នកយកព័ត៌មាននៅថ្ងៃទី ៣១ ខែសីហាថា បន្ទាប់ពីកិច្ចពិភាក្សាជាមួយមេដឹកនាំមជ្ឈិមបូព៌ាលោកជឿជាក់ថា កាតានឹងដើរតួយ៉ាងសំខាន់នៅអាហ្វហ្កានីស្ថាន បន្ទាប់ពីការដកកងទ័ពអាមេរិកចេញ។

យោងតាមសារព័ត៌មាន Associated Press បានឲ្យដឹងថា អ្នកការទូតជប៉ុននៅអាហ្វហ្គានីស្ថានឋិតក្នុងចំណោមអ្នកដំបូងគេ ដែលដកខ្លួនចេញពីទីក្រុងកាប៊ុល។ ពួកគេភាគច្រើនត្រូវបានជម្លៀសដោយឧទ្ធម្ភាគចក្ររបស់អង់គ្លេសនៅអាហ្វហ្គានីស្ថាន ខណៈដែលមួយចំនួនតូចត្រូវបានយន្តហោះ SDF របស់ជប៉ុនជម្លៀសចេញ។

ទីភ្នាក់ងារសារព័ត៌មានក្យូដូបានរាយការណ៍ផងដែរថា ប្រទេសជប៉ុនបានដកជនជាតិជប៉ុនម្នាក់ និងអាហ្វហ្កានីស្ថាន ១៤ នាក់ចេញពីប្រទេសអាហ្វហ្គានីស្ថាន។ តែបុគ្គលិកក្នុងស្រុករបស់ខ្លួននៅស្ថានទូតជប៉ុនប្រចាំនៅអាហ្វហ្គានីស្ថាន និងទីភ្នាក់ងារសហប្រតិបត្តិការអន្តរជាតិរបស់ជប៉ុន មិនបានទាន់បានដកទេ។ មន្រ្តីរដ្ឋាភិបាលជប៉ុននិយាយថា ជប៉ុននឹងរកវិធីជួយបុគ្គលិកទាំងនោះចាកចេញពីប្រទេសអាហ្វនីស្ថាន៕

Khcct banner

អត្ថបទទាក់ទង