Yearendyearend1140x150

ក្រសួងទេសចរណ៍លើកទឹកចិត្តឱ្យម្ចាស់អាជីវកម្មទេសចរណ៍ស្នើសុំវិញ្ញាបនបត្រ ស្លាកសញ្ញាស្តង់ដា

ព័ត៌មានជាតិ
/
អ្នកយកព័ត៌មាន:
ហួ ឆេងស៊ីម
/
ឯកឧត្តម ថោង ខុន រដ្ឋមន្រ្តីក្រសួងទេសចរណ៍ (រូបភាព៖ ក្រសួងទេសចរណ៍)

ភ្នំពេញ៖ ក្រសួងទេសចរណ៍ បានជូនដំណឹងដល់ប្រតិបត្តិករទេសចរណ៍ និងម្ចាស់អាជីវកម្មសណ្ឋាគារ ភោជនីយដ្ឋាន រមណីយដ្ឋានទេសចរណ៍ និងគោលដៅទេសចរណ៍នានា ក្នុងន័យលើកទឹកចិត្តឱ្យចូលរួមដាក់ពាក្យស្នើសុំវិញ្ញាបនបត្រ និងស្លាកសញ្ញាស្តង់ដា និងរង្វាន់អាស៊ាន ដែលគ្រោងនឹងប្រកាសជ័យលាភីក្នុងឱកាសវេទិកាទេសចរណ៍អាស៊ាន នាខែមករា ឆ្នាំ២០២២ នៅខេត្តព្រះសីហនុ។

ស្លាកសញ្ញាស្តង់ដា និងរង្វាន់អាស៊ានទាំងនោះចំនួន ៣ រួមមាន៖ ទី១៖ ស្តង់ដា MICE អាស៊ាន «ប្រភេទបន្ទប់ប្រជុំ (Meeting Room)» លើកទី៣ ឆ្នាំ២០២២-២០២៤។ ទី២៖ ស្តង់ដា MICE អាស៊ាន «ប្រភេទសាលតាំងពិព័រណ៍ (Exhibition Venue)» លើកទី១ ឆ្នាំ២០២២-២០២៥។ ទី៣៖ រង្វាន់ទេសចរណ៍ប្រកបដោយនិរន្តរភាពអាស៊ាន (ASEAN Sustainable Tourism Award-ASTA) លើកទី៣ សម្រាប់ឆ្នាំ២០២២-២០២៣។

ក្រសួងទេសចរណ៍ក៏បានណែនាំដល់ប្រតិបត្តិករទេសចរណ៍ និងម្ចាស់អាជីវកម្មក្នុងវិស័យទេសចរណ៍អាចដាក់ពាក្យស្នើសុំវិញ្ញាបនបត្រ និងស្លាកសញ្ញាស្តង់ដា និងរង្វាន់ខាងលើនៅទីស្ដីការក្រសួងទេសចរណ៍ ឬតាមរយៈមន្ទីរទេសចរណ៍រាជធានី-ខេត្ត។ ក្រៅពីនេះ ប្រតិបត្តិករទេសចរណ៍ និងម្ចាស់អាជីវកម្មក្នុងវិស័យទេសចរណ៍ត្រូវភា្ជប់មកជាមួយនូវឯកសារចាំបាច់មួយចំនួនផងដែរ។

សូមជម្រាបថា វេទិកាទេសចរណ៍អាស៊ាន ឆ្នាំ២០២២ (ATF 2022) នឹងប្រារព្ធឡើងជាលើកទី៤០ នៅសណ្ឋាគារសុខា ខេត្តព្រះសីហនុ ចាប់ពីថ្ងៃទី១៦-២២ ខែមករា ក្រោមប្រធានបទ «អាស៊ាន៖ សហគមន៍សន្តិភាព និងវាសនាតែមួយ (ASEAN – A Community of Peace and Shared Future)»៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង