ចំនួនអ្នកស្លាប់ដោយសារទឹកជំនន់នៅទួរគីកើនដល់៦២នាក់

ទួរគី៖ ទីភ្ញាក់ងារស៊ីនហួរ, ប្រព័ន្ធផ្សព្វផ្សាយក្នុងស្រុកបានរាយការណ៍នៅថ្ងៃពុធនេះថា ចំនួនអ្នកស្លាប់ដោយសារទឹកជំនន់និងការរអិលបាក់ដីយ៉ាងធ្ងន់ធ្ងរ នៅក្នុងតំបន់សមុទ្រខ្មៅរបស់ប្រទេសទួរគី បានកើនឡើងដល់ ៦២ នាក់ហើយ និង ៧៧ នាក់ផ្សេងទៀតកំពុងបាត់ខ្លួន។

ទឹកជំនន់ដែលបង្កឡើងដោយភ្លៀងធ្លាក់ខ្លាំងជាប់ៗគ្នា នៅសមុទ្រខ្មៅភាគខាងលិច បានបណ្តាលឱ្យផ្ទះនិងស្ពានដួលរលំនិងកាត់ផ្តាច់ការផ្គត់ផ្គង់អគ្គិសនីក្នុងស្រុកចាប់តាំងពីសប្តាហ៍មុន៕