Yearendyearend1140x150
Img 0571

អាកាសចរណ៍វៀតណាម បញ្ឈប់ការហោះហើរពីហាណូយ-ហូជីមិញដោយសារបញ្ហាកូវីដ

អន្តរជាតិ
/
អ្នកយកព័ត៌មាន:
សុវណ្ណ ស្រីពេជ្រ
/
ជើងហោះហើរក្នុងស្រុករបស់វៀតណាម។
រូបភាព៖ VN EXPRESS 

វៀតណាម៖ អាជ្ញាធរអាកាសចរណ៍ស៊ីវិលវៀតណាម (CVAA) បានស្នើថារាល់ការហោះហើររវាងទីក្រុងហាណូយ និងទីក្រុងហូជីមិញត្រូវបានបញ្ឈប់ ខណៈពេលកំពុងប្រយុទ្ធប្រឆាំងនឹងរលក Covid-19។

បើតាអាជ្ញាធរអាកាសចរណ៍ស៊ីវិក CVAA បាននិយាយកាលពីថ្ងៃសៅរ៍ថាខ្លួនបានស្នើឱ្យក្រសួងដឹកជញ្ជូនផ្អាកការហោះហើរធម្មតាទាំងអស់រវាងតំបន់ដែលស្ថិតនៅក្រោមការបញ្ជា ដើម្បីឱ្យមានគម្លាតសង្គមរួមទាំងការហោះហើរពីទីក្រុងហាណូយនិងទីក្រុងហូជីមិញ។

យោងតាមVN Express បាន្យដឹងទៀតថា មានតែជើងហោះហើរពិសេសប៉ុណ្ណោះដែលត្រូវបានហោះលើផ្លូវអាកាសរវាងតំបន់ដែលមានចម្ងាយឆ្ងាយទីក្រុង។

ចំណែកសេចក្តីថ្លែងការណ៍មួយបាននិយាយថា ខណៈពេលដែលជើងហោះហើរដើម្បីនាំកម្មករត្រឡប់ទៅស្រុកកំណើតវិញ គឺវាចាំបាច់សម្រាប់អាជ្ញាធរក្នុងតំបន់ត្រួតពិនិត្យសុខភាពអ្នកដំណើរនៅអាកាសយានដ្ឋានដើម្បីធ្វើតេស្ត និងដាក់ឲ្យនៅដាច់ពីគេ។

យ៉ាងណាមិញ សម្រាប់ពេលនេះជើងហោះហើរពីហូជីមិញទៅហាណូយនិងតំបន់ជាច្រើនទៀតត្រូវបានផ្អាក។ ហើយមានជើងហោះហើរតិចតួចណាស់ពីហាណូយទៅហូជីមិញ។

ទន្ទឹមនឹងនេះ អាជ្ញាធរទីក្រុងហាណូយបានសម្រេចចិត្តកាលពីថ្ងៃអាទិត្យនេះ ដើម្បីពង្រីកបទបញ្ជារក្សាគម្លាតសង្គមដែលកំពុងបន្តរហូតដល់ថ្ងៃទី ២២ ខែសីហាជាការឆ្លើយតបទៅនឹងការរីករាលដាលនៃ Covid-19 ជាច្រើនករណីដែលត្រូវបានរកឃើញនៅក្នុងទីក្រុងនានាក្នុងប្រទេសវៀតណាម។

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង