Cct850x100 1
1800px x h300px kh

ប្រជាជនថៃភាគច្រើននៅខេត្តក្រហមត្រៀមខ្លួនពាក់ម៉ាស់នៅផ្ទះខណៈករណីឆ្លងកើនឡើងខ្លាំង

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប ៖ Bangkok Post

ថៃ៖ នាពេលថ្មីៗនេះនាយកដ្ឋានសុខាភិបាលបានបង្ហាញថា ប្រជាជនថៃមានតែ ២០ ភាគរយប៉ុណ្ណោះដែលពាក់ម៉ាស់នៅផ្ទះ ខណៈ ៧៥ ភាគរយទៀតព្រួយបារម្ភអំពីការឆ្លងCovid-19 ក្នុងចំណោមសមាជិកគ្រួសារ។

ព័ត៌មាននេះផ្អែកលើការស្ទង់មតិព្រឹត្តិការណ៍Anamai ដែលបានធ្វើឡើងនៅចន្លោះថ្ងៃទី ១៩ ដល់ថ្ងៃទី ២៨ ខែកក្កដា ដោយមានគំរូចំនួន ១.៣២៤ ។

ការស្ទង់មតិក៏បានចង្អុលបង្ហាញថា ប្រជាជនថៃ ៦៧ ភាគរយនៅក្នុងខេត្តក្រហមចំនួន ១៣ នឹងមានភាពងាយស្រួលក្នុងការធ្វើតាមការណែនាំរបស់នាយកដ្ឋាន ក្នុងការធ្វើយុទ្ធនាការឱ្យពួកគេពាក់ម៉ាស់នៅផ្ទះរយៈពេល ១៤ ថ្ងៃ។

គួរបញ្ជាក់ផងដែរថា ក្រសួងសុខាភិបាលបានរាយការណ៍នៅព្រឹកថ្ងៃសៅរ៍នេះថា ក្នុងរយៈពេល ២៤ ម៉ោងចុងក្រោយមានអ្នកជំងឺកូវីដ ១៩ ថ្មី ចំនួន ១៨.៩១២ នាក់ ខណៈចំនួនអ្នកស្លាប់បានកើនឡើង ១៧៨ នាក់៕

Khcct banner

អត្ថបទទាក់ទង