Yearendyearend1140x150
Img 0571

អាជីវករផ្សារច្បារអំពៅជិត៤០នាក់ត្រូវបានរកឃើញវិជ្ជមានកូវីដ-១៩

សង្គម
/
អ្នកយកព័ត៌មាន:
ហួ ឆេងស៊ីម
/
ក្រុមអាជីវករច្បារអំពៅរង់ចាំធ្វើតេស្តរកកូវីដ១៩ (រូបភាព៖ @សហការី)

ភ្នំពេញ៖ គិតមកត្រឹមថ្ងៃទី១៦ ខែកក្កដានេះ អាជីវករនៅផ្សារច្បារអំពៅបានធ្វើតេស្តរកកូវីដ១៩សរុបចំនួន៧៦៦នាក់ ក្នុងនោះមានអាជីវករចំនួន៣៩នាក់មានវិជ្ជមានកូវីដ១៩។ នេះបើតាមប្រសាសន៍ លោក ចេង មុនីរ៉ា អភិបាលខណ្ឌច្បារអំពៅ បានថ្លែងប្រាប់ស៊ីស៊ីថាមស៍នៅថ្ងៃទី១៦ ខែកក្កដា ឆ្នាំ២០២១។

អភិបាលខណ្ឌច្បារអំពៅ បានលើកឡើងថា ទន្ទឹមនឹងការឆ្លងរីករាលដាលនេះ អភិបាលខណ្ឌតែងតែយកចិត្តទូកដាក់ចំពោះសុខសុវត្ថិភាពរបស់ក្រុមអាជីករ និងអតិថិជន ដោយមានការចាត់វិធានការនានាដូចជា បង្កើនការផ្សព្វផ្សាយពីវិធានការការពារតាមការណែនាំរបស់ក្រសួងសុខាភិបាល ការវាស់កម្តៅ បាញ់អាល់កុល និងពាក់ម៉ាសជាដើម។

បើតាមលោក ចេង មុនីរ៉ា បើទោះបីជាអាជីវករក្នុងផ្សារឆ្លងជំងឺកូវីដ១៩ក៏ដោយ ក៏អាជ្ញាធរមិនទាន់សម្រេចបិទផ្សារច្បារអំពៅនៅតែបន្តបើកជាធម្មតា សំខាន់គឺត្រូវពង្រឹងលើការអនុវត្តវិធានការការពារនានា ដើម្បីកុំឱ្យមានការឆ្លងរីករាលដាលបន្តទៀត។

តែបើទោះបីអាជ្ញាធរមិនទាន់សម្រេចបិទផ្សារច្បារអំពៅ តែគេសង្កេតឃើញថា មានអាជីវករប្រមាណ៦០%ភាគរយបានបិទតូបលក់ដូរ និង អាជីវករខ្លះបិទតូបទៅយកសំណាករកកូវិដ១៩ រីឯតូបដែលបើកលក់ធម្មយតាមាននៅសល់ប្រមាណជា៤០% ហើយអ្នកលក់ម្ហូបអាហារជុំវិញផ្សារក៏រក្សាការលក់ដូរតាមធម្មតា៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង