Cct850x100 1
1800px x h300px kh

រុស្ស៊ីចោទប្រកាន់អាមេរិកពីការរំលោភសិទ្ធិមនុស្សនៅក្នុងរបាយការណ៍របស់ខ្លួន

អន្តរជាតិ
/
អ្នកយកព័ត៌មាន:
លី ម៉ាលីង
/
ប្រភពរូប៖ CCTV Plus

រុស្ស៊ី៖ ក្រសួងការបរទេសរុស្ស៊ីនៅថ្ងៃសុក្រនេះបានចេញផ្សាយជាផ្លូវការនូវរបាយការណ៍ប្រចាំប្រទេសរបស់ខ្លួនស្តីពីសិទ្ធិមនុស្ស ដែលបានចោទប្រកាន់សហរដ្ឋអាមេរិកដោយផ្ទាល់ថាបានរំលោភលើសិទ្ធិមនុស្ស។

របាយការណ៍បានចង្អុលបង្ហាញថា សហរដ្ឋអាមេរិកបន្តរំលោភសិទ្ធិមនុស្សរបស់ប្រជាជនខ្លួន និងប្រជាជនប្រទេសផ្សេងៗទៀតយ៉ាងធ្ងន់ធ្ងរឧទាហរណ៍ ការដាក់ទណ្ឌកម្មជាឯកតោភាគី។

របាយការណ៍នោះបាននិយាយថា ឧទាហរណ៍ដែលមានលក្ខណៈធ្ងន់ធ្ងរបំផុត គឺការបន្តដាក់ទណ្ឌកម្មប្រឆាំងនឹងប្រទេសគុយបា ក្នុងការប្រឆាំងនឹងដំណោះស្រាយផ្សេងៗ ដែលធ្វើឡើងដោយមហាសន្និបាតអង្គការសហប្រជាជាតិ។

សូម្បីតែអង្គការក្រៅរដ្ឋាភិបាលមួយចំនួន ដែលគាំទ្រសហរដ្ឋអាមេរិក ក៏បានទទួលស្គាល់ដែរថាស្ថានភាពសិទ្ធិមនុស្សនៅក្នុងប្រទេសកាន់តែអាក្រក់ទៅៗ ។ របាយការណ៍ដដែលបាននិយាយថា សហរដ្ឋអាមេរិកមិនត្រឹមតែមិនបានស្តាប់ចំពោះការរិះគន់នោះទេ ប៉ុន្តែអាជ្ញាធររបស់ខ្លួនបាននិងកំពុងស្វែងរកការរំលោភសិទ្ធិមនុស្សនៅក្នុងប្រទេសដទៃទៀត។

ការប្តេជ្ញាចិត្តរបស់សហរដ្ឋអាមេរិកចំពោះសេរីភាពនៃការបញ្ចេញមតិនៅក្នុងប្រព័ន្ធផ្សព្វផ្សាយបានបាត់ទៅវិញស្ទើរតែទាំងស្រុង ដោយបញ្ជាក់ថាសភាពការណ៍ដ៏ក្រៀមក្រំនេះ បានធ្លាក់ចុះដល់ការប្រើប្រាស់ការត្រួតពិនិត្យ ដោយឥស្សរជននយោបាយរបស់អាមេរិកប្រឆាំងនឹងគ្នា។

ទន្ទឹមនឹងនេះកំរិតសាសន័និយម ការរើសអើងជាតិសាសន៍ក្នុងសហរដ្ឋអាមេរិក និងទម្រង់នៃការរើសអើងដទៃទៀត បានកើនឡើងហើយឥរិយាបថរើសអើងចំពោះជនជាតិអាហ្រ្វិក អាមេរិកអាស៊ីនិងអាមេរិកឡាទីន គឺមានភស្តុតាងជាពិសេសនៅក្នុងប្រព័ន្ធអនុវត្តច្បាប់និងសកម្មភាពនានា វិស័យថែទាំវេជ្ជសាស្រ្តនិងសេវាសង្គម។

នៅចុងខែមេសាឆ្នាំនេះ សហរដ្ឋអាមេរិកបានចេញរបាយការណ៍សិទ្ធិមនុស្សប្រចាំឆ្នាំរបស់ខ្លួនវាយប្រហារនិងចោទប្រកាន់ប្រទេសជិត ២០០ រួមទាំងប្រទេសរុស្ស៊ីផងដែរ អំពីស្ថានភាពសិទ្ធិមនុស្សរបស់ពួកគេ។

លេខាធិការសារព័ត៌មានរបស់ប្រធានាធិបតីរុស្ស៊ីលោក Dmitry Peskov បាននិយាយថា ប្រទេសរុស្ស៊ីមិនយល់ស្របនឹងរបាយការណ៍នោះទេ ហើយនឹងប្រកាន់ខ្ជាប់នូវគោលការណ៍បដិការក្នុងការឆ្លើយតបរបស់ខ្លួនលើបញ្ហានេះ៕

Khcct banner

អត្ថបទទាក់ទង