Cct850x100 1
1800px x h300px kh

ក្រុមហ៊ុនថ្មីចាប់ផ្តើម«ប្រមូលសំរាម»តាមគោលដៅក្នុងភ្នំពេញ

សង្គម
/
អ្នកយកព័ត៌មាន:
ស៊ីស៊ីថាមស៍
/
កម្មករប្រមូលសំរាមរបស់ក្រុមហ៊ុន Mizuda ។

ភ្នំពេញ៖ក្រុមហ៊ុនចំនួន៣ បានឈ្នះសិទ្ធិក្នុងការទទួលប្រមូលសំរាមក្នុងរាជធានីភ្នំពេញប្រទេសកម្ពុជា ចាប់ពីខែកក្កដាឆ្នាំ២០២១​នេះតទៅ​ គឺចាប់ផ្តើមប្រតិបត្តិការណ៍ប្រមូលសំរាមក្នុងរាជធានីភ្នំពេញ តាមគោលដៅដែលក្រុមហ៊ុនខ្លះដេញថ្លែឈ្នះនាពេលកន្លងមក។

ក្រុមហ៊ុនទាំង៣នោះមាន៖ ក្រុមហ៊ុនស៊ីនទ្រី (Cintri Cambodia)សហការជាក្រុមហ៊ុនចិន អេវើប្រាយ (Everbrigth China) , ក្រុមហ៊ុន 800 ស៊ូបភើ (SUPER/GAEA) (បារាំង-សិង្ហបុរី) និងក្រុមហ៊ុនចិន ម៉ិស៊ូដាគ្រុប( Mizuda Group Co.,Ltd) ។ ក្រុមហ៊ុនទាំងអស់នេះ ត្រូវបានបែងចែកសិទ្ធិប្រមូលសំរាមតាមទីតាំងផ្សេងៗគ្នា។

កម្មករប្រមូលសំរាមរបស់ក្រុមហ៊ុនចិន Mizuda ម្នាក់ បានថ្លែងប្រាប់ស៊ីស៊ីថាមស៍ថា លោកចាប់ផ្តើមចូលមកប្រមូលសំរាមពីថ្ងៃទី ១ កក្កដា ហើយការប្រមូលនេះក្រុមហ៊ុនបែងចែកទៅតាមគោលដៅនីមួយៗ និង ចែកចេញជា២វេនដោយវេនទី១ ចាប់ផ្តើមប្រមូលពីម៉ោង ៥ព្រឹក ដល់ម៉ោង១០ ព្រឹក និងវេនទី២ចាប់ពីម៉ោង១រសៀល ដល់ម៉ោង៥ល្ងាច។

ចំពោះការប្រមូលសំរាមវិញ ក្រុមកម្មករបានប្រើប្រាស់ម៉ូតូអគ្គិសនី និង ជិះកង់ ហើយប្រមូលបានច្រើនកម្មករជិះយកទៅដាក់នៅទីតាំងដែលមានឡានធំ ដើម្បីយកទៅបោះនៅទីតាំងចោលសំរាម។

លោក នួន សំណាវុធ អភិបាលរដ្ឋាករស្វយ័តគ្រប់គ្រងសំរាម និងសំណល់រឹងរាជធានីភ្នំពេញ បានប្រាប់ស៊ីស៊ីថាមស៍ថា នៅក្នុងដំណាក់កាលនៃការផ្តល់សេវាកម្មជូនប្រជាពលរដ្ឋ ក្រុមហ៊ុនទាំងនេះនឹងប្រើប្រព័ន្ធ Smart System ក្នុងការត្រួតពិនិត្យប្រព័ន្ធប្រតិបត្តិការ និងត្រួតពិនិត្យការផ្តល់សេវាប្រចាំថ្ងៃរបស់ក្រុមហ៊ុននីមួយដូចជា កម្រិតនៃភាពស្អាតក្នុងការប្រមូលសំរាម ទីតាំងនៃការប្រមូលសំរាមជាដើម។

បើតាមលោក នួន សំណាវុធ សាលារាជធានីភ្នំពេញ បានបង្កើតកម្មវិធីក្នុងទូរស័ព្ទដៃ ដើម្បីផ្តល់ជាភាពងាយស្រួលដល់ប្រជាពលរដ្ឋក្នុងការត្រួតពិនិត្យមើលការបង់ថ្លៃសម្រាប់សេវាកម្មប្រមូលសម្រាម។ ម្យ៉ាងវិញទៀតអតិថិជន ឬប្រជាពលរដ្ឋដែលប្រើប្រាស់សេវាកម្មនេះក៏អាចផ្តល់ជាមតិយោបល់ទាក់ទងទៅនឹងសកម្មភាពនៃការប្រមូលសម្រាមថាតើមានភាពលឿនរហ័សទាន់ចិត្ត ឬផ្សេងៗទៀត។

គួរបញ្ជាក់ថា ក្រុមហ៊ុន SUPER/GAEA បានដេញយកតំបន់ទី១ មាន៥ខណ្ឌដូចជា ខណ្ឌព្រែកព្នៅ ខណ្ឌរស្សីកែវ ខណ្ឌជ្រោយចង្វារ ខណ្ឌសែនសុខ និងខណ្ឌទួលគោក។ រីឯតំបន់ទី២ត្រូវបានដេញឈ្នះដោយក្រុមហ៊ុន ម៉ិស៊ូដាគ្រុប ដែលមាន៥ខណ្ឌដូចជា ខណ្ឌកំបូល ខណ្ឌប៉ូសែនជ័យ ខណ្ឌដង្កោ ខណ្ឌ៧មករា និងខណ្ឌដូនពេញ។ ចំពោះតំបន់ទី៣បានលើក្រុមហ៊ុនស៊ីនទ្រី ដែលចូលជាមួយក្រុមហ៊ុនចិនឈ្មោះថា អេវើប្រាយ ហើយតំបនើនេះមាន៤ខណ្ឌ ដូចជាខណ្ឌច្បារអំពៅ ខណ្ឌមានជ័យ ខណ្ឌចម្ការមន និងខណ្ឌបឹងកេងកង៕


Khcct banner

អត្ថបទទាក់ទង