Cct850x100 1
1800px x h300px kh

មន្ទីរពេទ្យ«សង្រ្គោះបន្ទាន់»មួយចំនួននៅកម្ពុជាពេញ ខណៈករណីឆ្លងនិងស្លាប់ថ្មីកើនឡើង

សង្គម
/
អ្នកយកព័ត៌មាន:
ស៊ីស៊ីថាមស៍
/
លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល។

ភ្នំពេញ៖ មូលដ្ឋានសុខាភិបាលសាធារណៈមួយចំនួននៅកម្ពុជា គិតមកដល់ថ្ងៃទី ២ កក្កដានេះ បានទទួលអ្នកជំងឺពេញអស់ហើយ ហើយមន្ទីរពេញ ដែលត្រូវ សង្គ្រោះបន្ទាន់ក៏ពេញអស់ដែរ។នេះបើយោងតាមប្រសាសន៍លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ ជាអ្នកនាំពាក្យក្រសួងសុខាភិបាល ថ្លែងប្រាប់ស៊ីស៊ីថាមស៍។

លោកជំទាវវេជ្ជបណ្ឌិត ឱ វណ្ណឌីន បានថ្លែងថា ការឆ្លងរីករាលដាលកូវីដនៅកម្ពុជាបច្ចុប្បន្ន បានឈានចូលដល់បន្ទាត់ក្រហមហើយ។ដល់បន្ទាត់ក្រហមដោយលោកជំទាវពន្យល់ថា ដោយសារមូលដ្ឋានសុខាភិបាលសាធារណៈមួយចំនួននៅកម្ពុជា គិតមកដល់ថ្ងៃទី ២ កក្កដានេះ បានទទួលអ្នកជំងឺពេញអស់ហើយ ហើយមន្ទីរពេញ ដែលត្រូវ សង្គ្រោះបន្ទាន់ក៏ពេញអស់ដែរ។

បើតាមលោកជំទាវវេជ្ជបណ្ឌិត ឱ វណ្ណឌីន មន្ទីរសង្គ្រោះបន្ទាន់ពេញអស់នេះដោយសារការឆ្លងនៅកម្ពុជាបន្តកើនឡើង ដោយគ្រាន់តែក្នុងខែមិថុនា ការឆ្លងថ្មីជាង២ម៉ឺននាក់ ហើយករណីឆ្លងជាង៤០០នាក់។សម្រាប់លោកជំទាវការឆ្លងនេះ បានរីករាលដាលស្ទើពេញទូទាំងប្រទេស នាំឱ្យមូលដ្ឋានសុខាភិបាលសាធារណៈមួយចំនួនរបស់រដ្ឋមានបញ្ហា។

ជាវិធានការឆ្លងតបការកើនឡើងនេះ លោកជំទាវវេជ្ជបណ្ឌិត ឱ វណ្ណឌីន បានអំពាវនាវដល់ប្រជាពលរដ្ឋទាំងអស់ត្រូវចូលរួមគោរពតាមវិធានការរបស់ក្រសួងសុខាភិបាលកម្ពុជាដែលបានប្រកាសដាក់ចេញកាលពីពេលកន្លងទៅ និងកុំមើលងាយស្ថានភាពនេះ។

លោកជំទាវវេជ្ជបណ្ឌិត ឱ វណ្ណឌីន សង្គត់ធ្ងន់ថា ការឆ្លងរីករាលដាលជំងឺកូវីដនៅកម្ពុជាឡើងវិញនេះ គឺបណ្តាលមកពីការមើលងាយស្ថានការណ៍របស់ប្រជាពលរដ្ឋខ្មែរមួយចំនួនដោយបន្តចេញដើរទៅតាមខេត្ត មិនគោរពតាមវិធានការរបស់ក្រសួង ហើយនាំគ្នាប្រមូលផ្តុំល្មើសនឹងបំរាម ៣កុំ និង៣ការពារ។

គួរបញ្ជាក់ថា គិតត្រឹមថ្ងៃទី០២ ខែកក្កដា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ៥២,៣៥០នាក់ ជាសះស្បើយសរុបចំនួន ៤៥,៥០៨នាក់ និងអ្នកកំពុងសម្រាកព្យាបាលនៅមន្ទីរពេទ្យសរុបចំនួន ៦,៨៤២នាក់ ហើយករណីស្លាប់សរុប ៦៦០នាក់៕

Khcct banner

អត្ថបទទាក់ទង