ឧត្ដរមានជ័យ៖ អាជ្ញាធរខេត្តឧត្ដរមានជ័យ នៅថ្ងៃទី១៤ ខែមិថុនា ឆ្នាំ២០២១ បន្តរកឃើញករណីវិជ្ជមានកូវីដ-១៩ថ្មី ចំនួន ១២នាក់ នៅខណៈមានករណីជាសះស្បើយចំនួន ០៣នាក់។
យោងតាមសេចក្ដីជូនដំណឹងរបស់រដ្ឋបាលខេត្តឧត្ដរមានជ័យ បានបញ្ជាក់ថា អ្នកមានវិជ្ជមានកូវីដថ្មីទាំង ១២នាក់ខាងលើ ក្នុងនោះជាករណីឆ្លងក្នុងសហគមន៍ជាមួយព្រឹត្តិការណ៍២០កុម្ភៈ ចំនួន ០៦នាក់ និងពលករខ្មែរមកពីថៃ ចំនួន ០៦នាក់។
សូមបញ្ជាក់ថា គិតមកពេលនេះ នៅក្នុងខេត្តឧត្ដរមានជ័យ មានអ្នកឆ្លងកូវីដសរុបចំនួន ១៣៣នាក់ , អ្នកជាសះស្បើយសរុបចំនួន ៤៦នាក់ , ករណីស្លាប់សរុបចំនួន ០១នាក់ និងនៅមានអ្នកជំងឺដែលកំពុងសម្រាកព្យាបាលចំនួន ៨៦នាក់ នៅមន្ទីរបង្អែកខេត្ត និងមណ្ឌលព្យាបាលផ្ទះសំណាក់ឧត្តមរដ្ឋា៕
