អន្តរជាតិ៖ កិច្ចប្រជុំកំពូល G7 ដែលមានរយៈពេល ៣ ថ្ងៃបានបញ្ចប់នៅថ្ងៃអាទិត្យ ដោយមេដឹកនាំបានសន្យាថា នឹងបរិច្ចាគនូវវ៉ាក់សាំងការពារកូវីដ-១៩ ចំនួន ១ ពាន់លានដូស សម្រាប់ឆ្នាំក្រោយដល់ប្រទេសក្រីក្រ។
ការបរិច្ចាកនេះ រួមមានដូស ៥០០ លានដូសពីអាមេរិក និង ១០០ លានដូសពីចក្រភពអង់គ្លេស នឹងត្រូវផ្តល់ជូននៅដំណាច់ឆ្នាំក្រោយតាមរយៈការផ្ទេរវ៉ាក់សាំងដោយផ្ទាល់និងការផ្តល់ថវិកាទៅឱ្យក្រុមហ៊ុន THEAX ដែលជាប្រព័ន្ធទិញវ៉ាក់សាំងសកលដឹកនាំដោយអង្គការសុខភាពពិភពលោក។
អង្គការសុខភាពពិភពលោកនិងអង្គការសហប្រជាជាតិបានស្វាគមន៍ចំពោះវិធានការនេះ ប៉ុន្តែបាននិយាយថាប្រទេសអ្នកមានគួរតែចែករំលែកការផលិតវ៉ាក់សាំងផងដែរ។
ការប្តេជ្ញាចិត្តនេះមិនលើសពីចំនួន ១១ ពាន់លានដូល្លាររបស់អង្គការសុខភាពពិភពលោក លោក Tedros Adhanom Ghebreyesus បាននិយាយថា ចាំបាច់ត្រូវចាក់វ៉ាក់សាំងយ៉ាងហោចណាស់ ៧០ ភាគរយនៃចំនួនប្រជាជនពិភពលោក។
មេដឹកនាំមកពីចក្រភពអង់គ្លេស សហរដ្ឋអាមេរិក កាណាដា ជប៉ុន អាល្លឺម៉ង់ បារាំង និងអ៊ីតាលីរួមទាំងសហគមន៍អ៊ឺរ៉ុបបានប្រមូលផ្តុំគ្នានៅឯរមណីយដ្ឋានមាត់សមុទ្រនៃឆ្នេរសមុទ្រCarbis នៅ Cornwall ភាគនិរតីប្រទេសអង់គ្លេសសម្រាប់កិច្ចប្រជុំកំពូល G7 ដោយផ្ទាល់លើកដំបូងក្នុងរយៈពេលជិត ២ ឆ្នាំ៕
