បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសពីករណីជាសះស្បើយនៃអ្នកជំងឺកូវីដ១៩ចំនួន៨១នាក់ ដែលក្នុងនោះមានស្រីចំនួន៣៧ នាក់ នៅថ្ងៃទី២៨ ខែឧសភា ឆ្នាំ២០២១។
យោងតាមរដ្ឋបាលខេត្តបន្ទាយមានជ័យ បានចេញសេចក្ដីប្រកាសស្ដីពីករណីអ្នកជំងឺកូវីដ១៩ ចំនួន៨១នាក់បានជាសះស្បើយនៅទីតាំងសម្រាកព្យាលបាលចំនួន០៩ផ្សេងៗគ្នា។
បើតាមសេចក្ដីប្រកាស បានបញ្ជាក់ថាមានជនជាតិខ្មែរចំនួន ៤៨នាក់ ជនជាតិឥណ្ឌូនេសុីចំនួន ១១នាក់ ជនជាតិថៃ ១១នាក់ ជនជាតិនេប៉ាល់ចំនួន១នាក់ ជនជាតិចិន៣នាក់ ជនជាតិវៀតណាម១នាក់។
គួរបញ្ជាក់ថា គិតត្រឹមថ្ងៃទី២៨ ខែឧសភា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ២៨,២៣៧នាក់ ជាសះស្បើយសរុបចំនួន ២០,៩០០នាក់ និងអ្នកកំពុងសម្រាកព្យាបាលនៅមន្ទីរពេទ្យសរុបចំនួន ៧,៣៣៧នាក់ ហើយករណីស្លាប់សរុប ១៩៦នាក់៕
